ਖਤਰਾ ਕੀਹਤੋਂ?

ਜਨਾਬ ਖਤਰਾ ਐਂਤਕੀ ਪੰਥ ਨੂੰ
ਕੀਹਤੋਂ ਸ਼ਿਵ ਸੈਨਾ ਆਲ਼ਿਆਂ ਤੋਂ
ਹਾਂਜੀ ਇਹਨ੍ਹਾਂ ਤੋਂ
ਜਨਮ ਦਿਨਾਂ ਤੇ ਕੇਕ ਕੱਟਣ ਆਲਿਆਂ ਤੋਂ ਨੀ ਖਤਰਾ?
ਆਵਦੇ ਤੋਂ ਵੱਡੀਆਂ ਬੀਬੀਆਂ ਦਾ ਸਿਰ ਪਲੂਸਦਾ ਕਹਿੰਦੇ ਬਾਬਾ
ਇੱਕ ਹੋਰ ਲਹਿਰ ਆ ਕਹਿੰਦੇ
ਪਤੰਦਰ ਮੂੰਹ ਬੰਨ੍ਹ ਕੇ ਪਾਠ ਕਰਦੇ ਆ ਬੀ ਸੁੱਚਮ ਰਹੇ
ਗੁਰਬਾਣੀ 'ਚ ਕਿੱਥੇ ਲਿਖਿਆ ਮੂੰਹ ਬੰਨ੍ਹ ਕੇ ਪੜ੍ਹੋ ਪੜਦੇ ਜੇ ਨਾਲ
ਗੁਰੂ ਗ੍ਰੰਥ ਸਾਹਿਬ ਦੇ ਨਾਲ ਨਾਲ ਅੱਡ ਜਪੁਜੀ ਸੈਹਬ ਵੀ ਪੜ੍ਹਦੇ ਆ
ਸ਼ਰਧਾ ਆਲੀ ਤਾਂ ਕੋਈ ਗੱਲ ਨੀਂ ਇਹਬੀ ਖੇਖਣ ਈ ਹੋਊ
ਨੂੰਹ ਕੁੜੀਆਂ ਜੰਮਦੀ ਆ
ਪਾਠ ਕਰਾਦੋ ਸੌ ਪਰਸੈਂਟ ਮੁੰਡਾ ਜੰਮੂ
"ਸੋ ਕਿਓ ਮੰਦਾ ਆਖੀਏ ਜਿਤੁ ਜੰਮਹਿ ਰਾਜਾਨੁ" ਆਹੋ ਜੀ ਨਾਨਕ ਸਾਬ੍ਹ ਤਾਂ ਝੂਠੇ ਸੀ
ਲੈਚੀਆਂ ਵੀ ਦਿੰਦੇ ਆ ਬਾਬੇ ਫੂਕਾਂ ਮਾਰਕੇ
ਨਾਲੇ ਜਲ ਦਿੰਦੇ ਆ ਘਰੇ ਪੀਣ ਨੂੰ
ਇਹਨ੍ਹਾਂ ਤੋਂ ਨੀ ਪੰਥ ਨੂੰ ਖਤਰਾ?
ਸੌ ਰੁਪਈਆ ਟੇਕਣ ਆਲੇ ਨੂੰ ਕਹਿੰਦੇ ਸਿਰੋਪਾਉ ਮਿਲਦਾ
ਤੇ ਦੂਜੇ ਟੱਪਜੇ ਮੱਥਾ ਟੇਕ ਕੇ
ਆਹੋ ਜੀ ਕੱਲੀ ਸ਼ਰਧਾ ਨੂੰ ਚੱਟਣਾ ਪੈਹਾ ਵੀ ਚਾਹੀਦਾ
ਫਿਰ ਮੱਕੜ ਦੀ ਗੱਡੀ 'ਚ ਤੇਲ ਵੀ ਚਾਹੀਦਾ
ਇਹਨ੍ਹਾਂ ਤੋਂ ਨੀ ਪੰਥ ਨੂੰ ਖਤਰਾ?
ਅਖੰਡ ਪਾਠਾਂ ਦੀ ਕੋਤਰੀ ਕਰਾਉਦੀ ਆ ਜਨਤਾ
ਮਤਲਬ ਇੱਕ ਸੌ ਇੱਕ ਪਾਠ ਲੜੀਵਾਰ
ਚੱਕੀ ਚੱਲੋ ਫੱਟੇ
ਜਨਤਾ ਨੂੰ ਭਮਾਂ ਦੀ ਕੁਸ ਨਾ ਸਮਝ ਆਏ
ਸਰਨਾ SGPC ਆਲਿਆਂ ਨਾਲ ਜੁੰਡੋ ਜੁੰਡੀ
ਇਹਨ੍ਹਾਂ ਤੋਂ ਨੀ ਪੰਥ ਨੂੰ ਖਤਰਾ?
ਬੰਨ੍ਹੀ ਚੱਲੋ ਜੰਡਾਂ ਨਾਲ ਖੰਭਣੀਆਂ
ਆਹੋ ਬਾਬੇ ਦਾ ਬੱਕਰਾ ਵੀ ਛੱਡੋ ਘੋੜਾ ਕਹਿਕੇ
ਗੁਰੂ ਨਾਨਕ ਸਾਹਬ ਦੀ ਫੋਟੋ ਤੇ ਧੂਫ ਲਾਈ ਚੱਲੋ ਕੁਸ ਨੀਂ ਕਹਿੰਦੇ
ਵਾਲ ਜੇ ਕਟਾਕੇ ਡਜ਼ੈਨ ਪਵਾਲੋ ਖੰਡੇ ਦਾ ਸਿਰ 'ਚ
ਦੋ ਇੱਟਾਂ ਦੀ ਮਟੀ 'ਚ ਛੇ ਫੁੱਟੇ ਬਾਬੇ ਨੂੰ ਫਿੱਟ ਕਰਦੋ ਜਚਾ ਕੇ
ਬਸ ਚੜ੍ਹਦੀ ਕਲਾ 'ਚ ਈ ਆ ਪੰਥ ਆਪਣਾ
ਚੱਕਦਾਗੇ ਫੱਟੇ........ਅੰਮ੍ਰਿਤ ਪਾਲ ਘੁੱਦਾ