ਕਰਾਰੀ ਚਪੇੜ

ਸਾਮਰਾਜਵਾਦ ----ਮੁਰਦਾਬਾਦ
ਭਗਤ ਸਿੰਘ ਤੇਰੀ ਸੋਚ ਤੇ-------ਪਹਿਰਾਂ ਦਿਆਂਗੇ ਠੋਕਕੇ
ਸਾਡੇ ਹੱਕ------ਇੱਥੇ ਰੱਖ
ਸ਼ਹੀਦੋ ਥੋਡੇ ਕਾਜ ਅਧੂ੍ਰੇ -----ਲਾਕੇ ਜਿੰਦੜੀਆਂ ਕਰਾਂਗੇ ਪੂਰੇ
ਇਨਕਲਾਬ -------ਜਿੰਦਾਬਾਦ

"ਆਹ ਕੌਣ ਆ ਜੋਰਿਆ ਬੜਾ ਖੋਰੂ ਪਾਇਆ"
"ਬਾਈ ਬਖਤੌਰ ਸਿੰਹਾਂ ਇਹ ਭਗਤ ਸਿੰਘ ਲੈਬਰੈਰੀ ਆਲੇ ਮੁੰਡੇ ਆ"
"ਹਾਹਾਹਾਹਾਹਾਹਾ...ਮੇਰੀ ਸਾਲੀ ਵਿਹਲੀ ਮੰਡੀਰ, ਮਹੀਆਂ ਨੂੰ ਪੱਠੇ ਨੀਂ ਪੈਂਦੇ ਟਲਦੇ ਕੰਮ ਤੋਂ ਆਹ ਭਗਤ ਸਿਹੁੰ ਦੀ ਫੋਟੋ ਚੱਕ ਕੇ ਫਿਰਦੇ ਆ ਹੁਰਲ ਹੁਰਲ ਕਰਦੇ। ਜੇ ਭਗਤ ਸਿਹੁੰ ਜਿਉਦਾਂ ਹੁੰਦਾ ਅੱਗਾਂ ਲਾ ਦਿੰਦਾ , ਗਰੇਜ਼ਾਂ ਨੇ ਵੀ ਥਾਂਏ ਸਿਰ ਰੱਖਿਆ ਸੀ ਉਹਨੂੰ।
ਮੰਡੀਰ ਨਾਲ ਚੂਹੜੇ ਚੱਪੜੇ ਜੇ ਵੀ ਰਲੇ ਫਿਰਦੇ ਆ, ਸਾਲੇ ਟਲਦੇ ਆ ਦਿਹਾੜੀ ਤੋਂ
ਨਾਲੇ ਆਹ ਪੰਜ ਸੱਤ ਨੰਗ ਜੇ ਜੱਟ, ਭੈਣਦੇਣੇ ਟਰੈਟ ਖਾਤਿਰ ਪੈਹੇ ਲੈਕੇ ਖਾਗੇ ਬੈਂਕ ਆਲਿਆਂ ਤੋਂ, ਬੈਂਕ ਆਲ਼ੇ ਘਰੇ ਗੇੜੇ ਮਾਰਦੇ ਆ
ਹੁਣ ਕਹਿੰਦੇ ਆ ਸਰਪੇਅ ਪੀਮਾਂਗੇ ਬੀ ਬੰਦਾ ਪੁੱਛੇ ਨਾ ਕਰੋ ਸਾਕ ਪਹਿਲਾਂ ਬੈਂਕ ਆਲ਼ਿਆਂ ਨੂੰ
ਆਪ ਈ ਪਹਿਲਾਂ ਪਟਵਾਰੀ ਤੋਂ ਇੰਤਕਾਲ ਲਹਾ ਕੇ ਦੇ ਆਉਦੇਂ ਆ ਬੈਂਕ ਆਲ਼ਿਆਂ ਨੂੰ,
ਤੇ ਫਿਰ ਪੈਹੇ ਲੈਕੇ ਛਕ ਛਕਾ ਲੈਂਦੇ ਆ ਤੇ ਜਦੋਂ ਨਹੀਂ ਮੁੜਦੇ ਫਿਰ ਆ ਭਗਤ ਸਿਹੁੰ ਦੀ ਫੋਟੋ ਚੱਕ ਕੇ ਨਾਲੇ ਜਰਦਾ ਮਲਦੇ ਫਿਰਦੇ ਆ ਨਾਲੇ ਥੁੱਕਾਂ ਸਿੱਟ ਸਿੱਟ ਕਹਿੰਦੇ ਆ ਅਖੇ ਇੰਕਲਾਬ ਜਿੰਦਾਬਾਦ
ਆਹ ਯੂਨੀਅਨਾਂ ਜੀਆਂ ਨੰਗ ਜੱਟ ਰਲਕੇ ਹਿੜ ਹਿੜ ਕਰਦੇ ਬਣਾਈ ਫਿਰਦੇ ਆ
ਬੀ ਜੇ ਕਿਸੇ ਦੀ ਕੁਰਕੀ ਆਗੀ ਭੁੱਕੀ ਦੇ ਦੋ-ਦੋ ਕਾਟ ਲਾਲਾਂਗੇ ਤੇ ਲਾਲ ਹਰੇ ਜੇ ਝੰਡੇ ਫੜ੍ਹਕੇ ਨਾਅਰੇ ਲਾਂਮਾਗੇ
ਸੱਥ 'ਚ ਬੋਹੜ ਤੇ ਸਪੀਕਰ ਟੰਗ ਮੈਕ 'ਚ ਬੁਲਾਰਾ ਬੋਲਦਾ
"ਬਾਈ ਬਖਤੌਰ ਉਰੇ ਆ ,ਲੋਕਾਂ 'ਚ ਖਲੋ ਐਂ ਦੱਸ ਬੀ ਤੇਰੀ ਮੰਡੀ 'ਚ ਕਦੇ ਕਣਕ ਰੁਲੀ ਆ?"
"ਨਾ ਬਾਈ, ਆਪਣੀ ਸਰਕਾਰ ਆ ਐਂ ਕਿਮੇਂ ਰੁਲਜੂ"
"ਤੈਨੂੰ ਝੋਨੇ ਤੇ ਬੋਨਸ ਮਿਲਦਾ?"
"ਹਾਂ ਪੰਜਾਹ ਰੁਪਈਏ ਮਿਲਦਾ ਬੋਮਸ"
"ਤੈਨੂੰ ਕਦੇ ਮੋਟਰਾਂ ਦਾ ਬਿੱਲ ਆਇਆ?"
"ਨਾਂ ਜਮ੍ਹਾਂ ਨੀ ਆਇਆ ਕਦੇ"
"ਕਦੇ ਰਾਤ ਨੂੰ ਪਾਣੀ ਲਾਉਣ ਜਾਣਾ ਪਿਆ ਕਦੇ ਖੇਤ?"
"ਨਾ ਸੀਰੀ ਹੈਗਾ ਵਿਹੜੇ ਆਲਿਆਂ ਦਾ ਮੰਗਾ"
ਬੁਲਾਰਾ ਬੋਲਦਾ "ਜੇ ਇਹ ਸਾਰਾ ਕੁਸ ਬਾਈ ਮਿਲਦਾ ਤੈਨੂੰ ਤਾਂ ਇਹ ਚੂਹੜੇ ਚੱਪੜੇ ਤੇ ਵਿਹਲੀ ਮੰਡੀਰ ਕਰਕੇ ਈ ਆ"
ਭਰੀ ਪੰਚੈਤ 'ਚ ਬਖਤੌਰ ਸਿਹੁੰ ਕੋਸਾ ਜਾ ਹੋਕੇ ਪਜਾਮਾ ਝਾੜਦਾ ਘਰ ਨੂੰ ਤੁਰਿਆ ਜਾਂਦਾ ਸੀ........ ਘੁੱਦਾ