ਤਰੱਕੀ

ਤਾਇਆ ਜਰ
ਪੁੱਤ "ਜੀ" ਕਹੀਦਾ ਹੁੰਦਾ
ਤਾਇਆ ਤੈਨੂੰ ਪਤਾ ਨੀ ਆਪਣਾ ਮੁਲਕ ਬਾਹਲੀ ਤਰੱਕੀ ਕਰ ਗਿਆ
ਸ਼ੇਰਾ ਆਪਣਾ ਨਾ ਕਿਹਾ ਕਰ, ਚੀਸ ਜੀ ਵੱਜਦੀ ਆ ਹਿਰਦੇ 'ਚ ਸਾਲੀ
ਟੁੱਟਾ-ਢੱਠਾ ਤਖਤ ਤੇ ਨਹਿਰਾਂ ਤੇ ਪਈਆਂ ਸ਼ੀਡਕਿਆਂ ਅਰਗਿਆਂ ਜਵਾਨਾਂ ਦੀਆਂ ਲਾਸ਼ਾ ਦੀਹਦੀਆਂ
ਨਾਲੇ ਭਾਈ ਤਰੱਕੀ ਤਾ ਕਰਨੀਓਂ ਈ ਆ
ਛੇ-ਛੇ ਫੁੱਟ ਦੀਆਂ ਮੂਲੀਆਂ ਤੇ ਸੱਤਰ ਸੱਤਰ ਕੈਲੋਂ ਦੇ ਹਦਵਾਣੇ ਅਗ੍ਹਾਤੇ
ਨਹੀਂ ਤਾਇਆ ਇਹ ਤਰੱਕੀ ਨੀ ਕੁਸ ਹੋਰ ਆ
ਹਾਹੋ ਗਲੀਆਂ 'ਚ ਤੇਗੇ ਲੋਟ ਇੱਟ ਦਾ ਖੜਵੰਜਾ ਚਿਣਤਾ ਨਾਲੇ ਲੈਟਾਂ ਲਾਤੀਆਂ
ਨਹੀਂ ਤਾਇਆ ਹੋਰ ਤਰੱਕੀ ਆ ਜਰ
ਮਸੈਲ ਬਣਾਤੀ ਨਮੀਂ ਵਗਿਆਨੀਆਂ ਨੇ, ਪੰਜ ਹਜ਼ਾਰ ਕੈਲੋਮੀਟਰ ਤੱਕ ਮਾਰਨ ਆਲੀ
ਭੈਣਦੇਣਿਆ ਇਹ ਟੱਟੂ ਦੀ ਤਰੱਕੀ ਆ
ਕੇਰਾਂ ਜੇ ਪਹਿਲਾਂ ਬੀ ਏਹਨਾਂ ਨੇ ਪ੍ਰਮਾਣੂ ਜਾ ਪਰਖਿਆ ਸੀ ਰਾਜਸਥਾਨ ਅੰਨੀਂ
ਪੱਟੂਆਂ ਨੇ ਗੰਢਿਆਂ 'ਚ ਈ ਰੱਖਕੇ ਚਲਾਤਾ
ਸਾਰੇ ਪੰਜਾਬ 'ਚ ਗੰਢੇ ਮੈਂਹਗੇ ਕਰਤੇ,
ਮਾਂਜਤੇ ਜੈਹਨਾਂ ਦੇ ਵਿਆਹ ਵਯੂਹ ਸੀ
ਦੋ ਹਜ਼ਾਰ ਦੀ ਹੋਰ ਸਾਰੀ ਸ਼ਬਜ਼ੀ ਆਬੇ ਤੇ ਕੱਲੇ ਗੰਢੇ ਸੱਤ ਹਜ਼ਾਰ ਦੇ
ਨਾਲੇ ਸ਼ੇਰਾ ਇਹਨਾਂ ਨੇ ਕਾਹਟ ਘੱਤਰ ਨੀਂ ਵੇਖੇ
ਰੇਡੀਏ ਤੇ ਸੁਣਦੇ ਬੀ ਜੰਗ ਚੱਲਪੀ,
ਲੜਾਕੂ ਜਹਾਜ਼ ਜੇ ਤਾਂ ਸਪੈਦਿਆਂ ਕੋਲੋਂ ਹੋ ਹੋ ਮੁੜਨ
ਕੁੱਕੜ ਭੜਾਕਿਆਂ ਅੰਗੂ ਚੱਲਣ ਬੰਬ ਬੁੰਬ ਜੇ
ਘਰਾਂ 'ਚ ਚੁੱਲ੍ਹੇ ਨਾ ਬਾਲਣੇ ਬੀ ਕਿਤੇ ਚਾਨਣ ਵੇਖ ਬੰਬ ਨਾ ਸਿੱਟ ਦੇਣ
ਤਾਇਆ ਜਰ ਦੇਵੀ ਦੇਵਤਿਆਂ ਨੂੰ ਧਿਆ ਕੇ ਐਨ ਓਕੇ ਰਪੋਟ ਕਰਕੇ
ਫਿਰ ਛੱਡੀ ਕਹਿੰਦੇ ਮਜੈਲ
ਆਹੋ ਸ਼ੇਰਾ ਰੱਬ ਦੇ ਬੰਦੇ ਮਾਰਨ ਖਾਤਰ ਰੱਬ ਦੀ ਸਹਿਮਤੀ ਵੀ ਜ਼ਰੂਰੀ ਆ ਫਿਰ
ਸੱਚਿਓ ਤੇਰਾ ਮੁਲਕ ਤਰੱਕੀ ਕਰੀ ਜਾਂਦਾ ਨਿੱਕਿਆ.....ਘੁੱਦਾ