ਸੱਚੇ ਪਾਤਸ਼ਾਹ ਨੇ ਬਾਬਾ ਬੰਦਾ ਸਿੰਘ ਬਹਾਦਰ ਨੂੰ ਪੰਜਾਬ ਵੱਲ ਤੋਰਨ ਵੇਲੇ ਪੰਜਾਬ ਦੇ ਸਾਰੇ ਇਲਾਕਿਆਂ ‘ਚ ਵੱਸਦੇ ਸਿੱਖਾਂ ਦੇ ਨਾਂ ਤੇ ਹੁਕਮਨਾਮੇ ਫੜ੍ਹਾਏ। ਅਡਰੈੱਸ ਪਤੇ ਦਿੱਤੇ।
ਗੁਰੂ ਦਾ ਹੁਕਮ ਸੁਣ ਮਾਝਾ, ਮਾਲਵਾ, ਦੁਆਬਾ ਆਪ ਮੁਹਾਰੇ ਬੰਦਾ ਸਿੰਘ ਵੱਲ ਹੋ ਤੁਰਿਆ।
ਚੱਪੜਚਿੜੀ ‘ਚ ਟ੍ਰੇਨਡ ਫੌਜ ਨਾਲ ਸਿੱਧੇ ਸਾਧੇ ਲੋਕਾਂ ਨੇ ਤਲਵਾਰ, ਡੰਡੇ, ਗੰਡਾਸਿਆਂ ਨਾਲ ਇਤਿਹਾਸਿਕ ਜੰਗ ਲੜੀ।
ਸਿੰਘੂ ਬਾਡਰ ਤੇ ਬੈਠੇ ਓਹੀ ਏਕਾ, ਇਕੱਠ ਤੇ ਜਲੌਅ ਦੇਖ ਰਹੇ ਹਾਂ। ਬਸ਼ਰਤੇ ਏਡੇ ਕਿਰਦਾਰ ਦਾ ਆਗੂ ਸਾਡੇ ਕੋਲ ਨਹੀਂ।
ਪੰਜਾਬ ਲੜਨਾ ਜੂਝਣਾ ਮਰਨਾ ਜਾਣਦਾ।
ਸਾਡੇ ‘ਚੋਂ ਬਹੁਤਿਆਂ ਨੂੰ ਬਿੱਲਾਂ ਬੁੱਲਾਂ ਦਾ ਬਾਹਲਾ ਪਤਾ ਨਹੀਂ। ਪਰ ਤਕੜੇ ਦੀ ਧੌਣ ‘ਚੋਂ ਕਿੱਲਾ ਕੱਢਣ ਦਾ ਜਿਹੜਾ ਸਵਾਦ ਆ ਨਾ , ਸਾਨੂੰ ਓਹੀ ਦਿੱਲੀ ਲੈਕੇ ਆਇਆ।
ਆਮ ਲੜਦਿਆਂ ਸਾਡੇ ਮੂੰਹੋਂ ਨਿੱਕਲਦਾ,” ਦੇਖਲਾਂਗੇ ਤੈਨੂੰ ਵੱਡੇ ਵੈਲੀ ਨੂੰ”
ਲੈ, ਅੱਜ ਓਸੇ ਵੱਡੇ ਵੈਲੀ ਨੂੰ ਦੇਖਣ ਆਇਆ ਪੰਜਾਬ ਹਰਿਆਣਾ।
ਮਾਣ ਕਰਿਆ ਕਰੋ, ਅਸੀਂ ਪੰਜਾਬ ਦੇ ਜੰਮੇ ਆਂ। ਅਕਾਲ ਪੁਰਖ ਸਹਾਈ ਹੋਵੇ.....ਘੁੱਦਾ
No comments:
Post a Comment