ਸਾਰੇ ਕਿਤੇ ਚੜ੍ਹਦੀ ਕਲਾ ਦੇ ਸੁਨੇਹੇ ਪਹੁੰਚਾਓ। ਇਹ ਸਵਾਲ ਕਿਸੇ ਦਾ ਨਹੀਂ ਹੋਣਾ ਚਾਹੀਦਾ ਕਿ ,”ਬਾਈ ਬਣੂੰ ਕੁਛ”?
ਬਣਨਾ ਕੀ ਆ ਜਰ, ਜਿੱਤਾਂਗੇ। ਇਹ ਕਿਹੜਾ ਬਠਿੰਡੇ ਅੰਬੇਦਕਰ ਦੇ ਬੁੱਤ ਕੋਲ ਧਰਨਾ ਲਾਇਆ ਬੀ ਜੇ ਨਾ ਕੁਛ ਬਣਿਆ ਤਾਂ ਆਥਣੇ ਕਨੈਟਰ ਨੂੰ ਵੀਹ ਰੁਪੈ ਦੇਕੇ ਮਿੰਨੀ ਦੀ ਤਾਕੀ ਨੂੰ ਹੱਥ ਪਾਕੇ ਪਿੰਡ ਬਗਜਾਂਗੇ।
ਜਾਂ ਤਾਂ ਪਹਿਲਾਂ ਈ ਛਾਪਲ ਜਾਂਦੇ, ਤੇ ਜੇ ਦਿੱਲੀ ਆਕੇ ਮੋਦੀ ਨੂੰ ਲਲਕਾਰਾ ਮਾਰ ਈ ਦਿੱਤਾ ਹੁਣ ਸਿਰ ਲਾਹੇ ਜਾਂ ਲਹਾਏ ਬਿਨ੍ਹਾਂ ਮੁੜਨਾ ਸਾਨੂੰ ਸਦੀਆਂ ਤੱਕ ਲਾਹਣਤਾਂ ਪਾਊ।
ਮਨੋਬਲ ਹੀ ਜਿੱਤ ਪੱਕੀ ਕਰ ਸਕਦਾ।ਸ਼ੰਕੇ, ਪਰ, ਕਿਓਂ ਘਰੇ ਰੱਖ ਕਿ ਆਓ।
ਜੰਗ ਲੜ ਰਿਹਾ ਪੰਜਾਬ, ਹਰਿਆਣਾ। ਇਹਨੂੰ ਮੇਲੇ ਵੰਗੂ ਨਾ ਲਈਏ। ਵੂਫਰਾਂ ਤੇ ਉੱਚੀ ਗਾਣੇ ਲਾਕੇ ਇਕ ਅੱਧਾ ਗੇੜਾ ਤਾਂ ਚੱਲ ਜ਼ਾਇਜ਼ ਆ। ਤਿੰਨ ਜਣੇ ਟ੍ਰੈਕਟਰ ਦੀ ਸ਼ੋਅ ਤੇ, ਦੋ ਬੰਪਰ ਤੇ ਦੋ ਛੱਤਰੀ ਤੇ। ਜੇ ਇਨ੍ਹਾਂ ‘ਚੋਂ ਕੋਈ ਡਿੱਗਕੇ ਟੈਰ ਥੱਲੇ ਆ ਗਿਆ ਫੇਰ ਓਹਨੂੰ ਵੀ ਸ਼ਹੀਦ ਆਖਾਂਗੇ?
ਨਾਅਰੇ ਠੀਕ ਕਰੀਏ, ਮੋਦੀ ਸਰਕਾਰ ਹਾਏ ਹਾਏ। ਹਾਏ ਹਾਏ ਸਾਡੇ ਇਤਿਹਾਸ ਦਾ ਹਿੱਸਾ ਨਹੀਂ, ਜੈਕਾਰੇ ਤੇ ਜ਼ੋਰ ਰੱਖੀਏ, ਸਾਰੇ ਮੈਦਾਨ ਜੈਕਾਰੇ ਨੇ ਹੀ ਫਤਹਿ ਕਰਾਏ ਨੇ।
ਲੜਾਈ ਲੰਮੀ ਚੱਲ ਸਕਦੀ ਆ। ਵਾਰੀਆਂ ਬੰਂਨ੍ਹ ਬੰਨ੍ਹ ਆਓ। ਕਈ ਪਿੰਡਾਂ ਦੀਆਂ ਪੱਕੀਆਂ ਟ੍ਰਾਲੀਆਂ ਖੜ੍ਹੀਆਂ। ਬੰਦੇ ਬਦਲਦੇ ਰਹਿੰਦੇ ਥੋੜ੍ਹੇ ਥੋੜ੍ਹੇ ਦਿਨਾਂ ਬਾਅਦ। ਬਾਹਰਲਿਆਂ ਨੇ ਪੈਸੇ ਭੇਜਣੇ ਤਾਂ ਖਾਲਸਾ ਏਡ ਨੂੰ ਭੇਜੋ ਲੰਗਰ, ਬਿਸਤਰੇ, ਦਵਾਈਆਂ, ਨਹਾਓਣ ਧੋਣ ਸਭ ਸਾਂਭ ਰਹੇ ਨੇ। ਜਿੱਤਾਂਗੇ ਜ਼ਰੂਰ
No comments:
Post a Comment