ਏਸੇ ਜੈਕਾਰੇ ਨਾਲ ਮੱਸੇ ਦਾ ਸਿਰ ਨੇਜ਼ੇ ਤੇ ਟੰਗਕੇ ਬੁੱਢਾ ਜੌੜ ਪਹੁੰਚੇ ਸੁੱਖਾ ਤੇ ਮਹਿਤਾਬ ਸਿੰਘ ਦਾ ਸਵਾਗਤ ਹੋਇਆ।
ਏਹੀ ਜੈਕਾਰਾ ਜਦੋਂ ਅਨੰਦਪੁਰ ਸਾਹਬ ਦੀ ਧਰਤੀ ਤੇ ਲੱਗਦਾ ਤਾਂ ਪਹਾੜੀ ਰਾਜਿਆਂ ਦੇ ਕੰਨ ਖੜ੍ਹੇ ਹੁੰਦੇ ਸੀ।
ਮਾਝੇ ‘ਚੋਂ ਆਏ ਚਾਲੀ ਸਿੰਘ ਏਹੀ ਜੈਕਾਰਾ ਲਾਕੇ ਖਿਦਰਾਣੇ ਦੀ ਢਾਬ ਤੇ ਟਿੱਬੀ ਸਾਹਬ ਕੋਲ ਸ਼ਹੀਦ ਹੋਏ।
ਏਸੇ ਜੈਕਾਰੇ ਨੇ ਚੱਪੜਚਿੜੀ ‘ਚ ਅਨਘੜ ਜੇ ਡੰਡਿਆਂ, ਗੰਡਾਸਿਆਂ ਨਾਲ ਲੜਦੇ ਲੋਕਾਂ ਨੂੰ ਫ਼ਤਿਹ ਦੇਕੇ ਸਰਹੰਦ ਨੂੰ ਤੋਰਿਆ।
ਏਹੀ ਜੈਕਾਰਾ ਬਾਬਾ ਦੀਪ ਸਿੰਘ ਦੀ ਖਿੱਚੀ ਲੀਕ ਨੂੰ ਟੱਪਣ ਵੇਲੇ ਸਿੰਘਾਂ ਨੇ ਲਾਇਆ।
ਏਹੀ ਜੈਕਾਰਾ ਲਾਕੇ ਗਿਣਤੀ ਮਿਣਤੀਆਂ ਤੋਂ ਦੂਰ ਗੜੀ ਚਮਕੌਰ ‘ਚੋਂ ਪੰਜ ਪੰਜ ਦੇ ਜਥੇ ਬਣਕੇ ਨਿੱਕਲੇ।
ਏਹੀ ਜੈਕਾਰਾ ਲਾਕੇ ਛੇ ਜੂਨ ਨੂੰ ਸਿੰਘ ਨਿੱਕਲੇ ਤੇ ਅਕਾਲ ਤਖਤ ਦੇ ਸਾਹਮਣੇ ਚੁਫਾਲ ਡਿੱਗੇ ਤੇ ਅਮਰ ਹੋਏ।
ਜੈਕਾਰਾ ਕਦੇ ਲਾਇਆ ਨਹੀਂ ਜਾਂਦਾ। ਜਿੱਤ ਤੇ ਚੜ੍ਹਦੀ ਕਲਾ ਦੇ ਸਰੂਰ ‘ਚ ਆਪੇ ਲੱਗ ਜਾਂਦਾ।
ਪੰਜਾਬ ਦਾ ਅਤੀਤ, ਹੁਣ ਤੇ ਭਵਿੱਖ ਏਸੇ ਜੈਕਾਰੇ ‘ਚ ਪਿਆ। ਚੜ੍ਹਦੀ ਕਲਾ ਹੋਵੇ
Great bai ji.... Veer tuhade warge lokan karke sikhi di mahanta atay chardi kala bare pata lagda
ReplyDelete