ਜਾਂਦਾ ਜਾਂਦਾ ਸਾਲ ੨੦੨੦ ਸਾਨੂੰ ਧਰਮਾਂ, ਜਾਤਾਂ , ਹੱਦਾਂ ਤੋਂ ਪਾਰ ਇੱਕ ਕਰਕੇ ਗਿਆ। ਸਾਰਾ ਪੰਜਾਬ ਅੱਜ ਇੱਕ ਹੋਇਆ ਬੈਠਾ।
ਆਹ ਟਰਾਲੀ ਜਲੰਧਰ ਦੀ ਖੜ੍ਹੀ, ਅਗਲੀ ਗੁਰਦਾਸਪੁਰ ਦੇ ਕਿਸੇ ਪਿੰਡ ਤੋਂ, ਅਗਲੀ ਫ਼ਿਰੋਜ਼ਪੁਰ ਤੋਂ।
ਕੋਈ ਪਾਣੀ ਤੱਤਾ ਕਰ ਰਿਹਾ, ਕੋਈ ਆਟਾ ਗੁੰਨ੍ਹ ਰਿਹਾ, ਕੋਈ ਲੰਗਰ ਛਕਾ ਰਿਹਾ, ਕੋਈ ਹਰਿਆਣੇ ਆਲਾ ਕਹਿ ਰਿਹਾ,”ਰੈ ਭਾਈ ਦੂਧ ਲੈਜੀਓ”।
ਅਸੀਂ ਨਵੇਂ ਵਰ੍ਹੇ ਦੀਆਂ ਵਧਾਈਆਂ ਕਿਓਂ ਨਾ ਦੇਈਏ। ਏਥੇ ਕੋਈ ਸੋਗ ‘ਚ ਨਹੀਂ ਬੈਠੇ। ਐਨੀ ਚੜ੍ਹਦੀ ਕਲਾ ‘ਚ ਕਦੇ ਨਹੀਂ ਹੋਏ।
ਸਦੀ ਦਾ ਸਭ ਤੋਂ ਵੱਡਾ ਘੋਲ ਲੜ ਰਹੇ ਹਾਂ। ਪਿੰਡ ਦੀ ਗਲੀ ਬੰਦ ਕਰਨੀ ਔਖੀ ਹੁੰਦੀ ਆ। ਏਥੇ ਦੇਸ਼ ਦੀ ਰਾਜਧਾਨੀ ਤੋਂ ਨਿੱਕਲਦੇ ਨੈਸ਼ਨਲ ਹਾਈਵੇ ਬੰਦ ਕਰੀ ਬੈਠੇ ਆ। ਏਹ ਜੁਰਅੱਤ ਨੇ ਸਾਨੂੰ ਹੋਰ ਸੌ ਸਾਲ ਲਈ ਰੀਚਾਰਜ ਕਰਤਾ, ਇਤਿਹਾਸ ਸਿਰਜਿਆ ਗਿਆ। ਪੰਜਾਬ ਜਿੱਤ ਗਿਆ, ਆਗੂ ਰਹਿੰਦੇ ਨੇ ।
ਅਰਦਾਸ ਕਰੀਏ ਸਾਡਾ ਏਕਾ ਏਸੇ ਤਰ੍ਹਾਂ ਬਣਿਆ ਰਹੇ।
ਨਵੇਂ ਸਾਲ ਦੀਆਂ ਵਧਾਈਆਂ ਸਾਰੀ ਸੰਗਤ ਨੂੰ। ਪੰਜਾਬ ਦੀ ਫਤਹਿ ਹੋਵੇ...ਘੁੱਦਾ
No comments:
Post a Comment