Sunday 7 February 2021

ਹਰੀ ਕ੍ਰਾਂਤੀ

ਹਰੀ ਕ੍ਰਾਂਤੀ ਤੋਂ ਪਹਿਲਾਂ ਪੰਜਾਬ ਕੋਲ 42 ਤਰ੍ਹਾਂ ਦਾ ਅਨਾਜ ਹੁੰਦਾ ਸੀ। ਜਵਾਰ, ਕੋਧਰੇ, ਮੱਕੀ, ਬਾਜਰੇ ਵਰਗੇ ਮੋਟੇ ਅਨਾਜ ਦੀ ਰੋਟੀ ਪੰਜਾਬ ਖਾਂਦਾ ਸੀ। ਤੰਦਰੁਸਤ ਸੀ। 
ਭਾਰਤ ਨੂੰ ਅੰਨ ਦੀ ਲੋੜ ਪਈ ਤੇ ਕਣਕ ਝੋਨੇ ਦੀ ਅੰਨ੍ਹੀ ਪੈਦਾਵਾਰ ਪੰਜਾਬ ਤੋਂ ਕਰਾਈ। ‘ਅੰਨਦਾਤੇ’ ਦਾ ਗੁੱਲਾ ਠੋਕਤਾ। ਅੰਨ੍ਹਾ ਜ਼ਹਿਰ ਸਿੱਟਿਆ ਨਾਲੇ ਦਸ ਦਸ ਫੁੱਟ ਦੇ ਟੋਟੇ ਪਾਕੇ ਪਾਣੀ ਮੁੱਕਣ ਨੇੜੇ ਕਰਤਾ।
ਅੱਜ ਓਹ  ਸਾਥੋਂ ਝੋਨਾ ਖੋਹਣਾ ਚਾਹੁੰਦੇ ਨੇ ਤੇ ਅਸੀਂ ਝੋਨਾ ਬੀਜਣ ਲਈ ਅੜੇ ਹੋਏ ਆ। ਮਹੌਲ ਦੇਖ ਕੀ ਬਣਿਆ, ਪੰਜਾਬ ਝੋਨਾ ਬੀਜੇ ਬਿਨ੍ਹਾਂ ਵੀ ਮਰਦਾ ਤੇ ਬੀਜ ਕੇ ਵੀ ਮਰਦਾ। 
ਅਗਲੀ ਗੱਲ ਕਰੀਏ। 
ਅੱਜ ਹਰੇਕ ਬੰਦਾ ਇੱਕ ਦੂਜੇ ਨੂੰ ਏਹੀ ਸਵਾਲ ਪੁੱਛਦਾ ,” ਬਣੂੰ ਕੁਛ, ਹੋਊ ਕੋਈ ਹੱਲ ਬਿੱਲਾਂ ਬੁੱਲਾਂ ਦਾ? 
ਸਾਡੇ ਬਾਬੇ ਸੜਕਾਂ, ਲੀਹਾਂ ਤੇ ਬੈਠੇ ਨੇ। 
ਧੁੱਪੇ ਬੈਠਿਆਂ ਦੇ ਮੱਥੇ ਤੇ ਪਰਨੇ ਹੇਠ ਪੁੱਠੀ V ਹੋਰ ਗੂੜ੍ਹੀ ਹੋਗੀ। ਆਪਣੇ ਸਿਰ ਤੇ ਲੱਖਾਂ ਤਨਖਾਹਾਂ ਲੈਂਦੇ CM, MLA, MP ਤੇ ਹੋਰ ਸਾਰੇ ਕੀ ਥਣ ਫੜ੍ਹਦੇ ਆ। ਇਹ ਸਾਰਾ ਗੰਦ ਪਿੱਲ ਕੱਠਾ ਹੋਕੇ ਮੂਹਰੇ ਲੱਗੇ, ਸਾਰਾ ਪੰਜਾਬ ਮਗਰ ਖੜ੍ਹਾ। 
ਦੀਪ ਸਿੱਧੂ ਕੱਲ੍ਹ ਨੂੰ ਕੀ ਨਿੱਕਲੇ, ਇਹ ਓਹ ਜਾਣਦਾ।
ਪਰ ਅੱਜ ਚੰਗਾ ਕੰਮ ਕਰ ਰਿਹਾ। ਮੁਲਖ ਓਹਨੂੰ ਮਿਹਣੇ ਮਾਰੀ ਜਾਂਦਾ ਤੂੰ ਸੰਨੀ ਦਿਓਲ ਨਾਲ ਪ੍ਰਚਾਰ ਕਰਦਾ ਰਿਹਾਂ। ਓਹਨੇ ਕਈ ਇੰਟਰਵਿਊਆਂ ‘ਚ ਇਹ ਗੱਲ ਕਲੀਅਰ ਕਰਤੀ ਕਿ ਇਹ ਓਹਦੀ ਗਲਤੀ ਸੀ। 
ਇੱਕੋ ਗੱਲ ਰਪੀਟ ਕਰੀ ਜਾਣੇ ਅਸੀਂ ਜਰ। ਆਪਣੇ ਆਪ ਨੂੰ ਦੇਖੋ, ਤੀਵੀਬਾਜ ਬੰਦੇ ਨੂੰ ਲੋਕ ਘਰੇ ਨੀਂ ਵੜਨ ਦਿੰਦੇ, ਤੁਸੀਂ ਐਡਾ ਮੰਤਰੀ ਬਣਾਇਆ ਵਾ।
ਅੱਜ ਸਾਰੇ ਪੰਜਾਬ ਦੀ ਇੱਕ ਮੰਗ ਆ ਕਿ ਬਿੱਲ ਰੱਦ ਹੋਣ। ਪਰ ਮੂੰਹ ਸਾਡੇ ਅੱਡੋ ਅੱਡ ਨੇ। ੩੧ ਜਥੇਬੰਦੀਆਂ, ਕੁੱਲ ਕਲਾਕਾਰ, ਬਾਬੇ, ਸਾਰੀਆਂ ਪਾਰਟੀਆਂ ਦੇ ਨਿੱਕੇ ਵੱਡੇ ਲੀਡਰ ਇੱਕੋ ਥਾਂ ਕੱਠੇ ਹੋਣ ਫੇਰ ਹੀ ਕੁਛ ਬਣ ਸਕਦਾ। ਨਹੀਂ ਸੜਕਾਂ ਤੇ ਚਿੱਤੜ ਘਸਾਓਂਦੇ ਰਹਿਜਾਂਗੇ। ਬਾਕੀ ਪੰਜਾਬ ਦੇ ਮੁੰਡਿਆਂ ‘ਚ ਬਰੂਦ ਬਥੇਰਾ ਪਰ ਚੰਗੇ ਆਗੂ ਦੀ ਅਗਵਾਈ ਬਿਨ੍ਹਾਂ ਮਾਰ ਖਾਈ ਜਾਣੇ ਆਂ...ਚੜ੍ਹਦੀ ਕਲਾ ਹੋਵੇ

No comments:

Post a Comment