ਪੇਂਡੂੰ ਬੰਦੇ ਸਿੱਧੇ ਸਪੱਸ਼ਟ ਹੁੰਦੇ ਨੇ।
ਤਰਕਾਂ ਦਲੀਲਾਂ ਦੇਣ ਆਲੇ ਬੰਦੇ ਜੰਗ ਨਹੀਂ ਲੜਦੇ ਹੁੰਦੇ।
ਮੁਲਤਾਨ ਦੇ ਕਿਲ੍ਹੇ ਨੂੰ ਘੇਰਾ ਪਾਇਆ ਸੀ , ਜੰਗ ਲੰਮੀ ਹੋ ਰਹੀ ਸੀ। ਮਹਾਰਾਜਾ ਰਣਜੀਤ ਸਿੰਘ ਦਰਬਾਰ ਸਾਹਿਬ ਆਇਆ, ਦੇਗ ਕਰਾਈ ਅਰਦਾਸ ਕੀਤੀ।
ਅਕਾਲੀ ਫੂਲਾ ਸਿੰਘ ਹੋਣਾਂ ਪੁੱਛਿਆ ਮਸਲਾ ਦੱਸੋ। ਗੱਲ ਦੱਸੀ। ਅਕਾਲੀ ਫੂਲਾ ਸਿੰਘ, ਸਿੰਘ ਲੈਕੇ ਅੱਗੇ ਹੋ ਤੁਰਿਆ ਤੇ ਕਿਲ੍ਹਾ ਫਤਹਿ ਕੀਤਾ।
ਮੂਹਰੇ ਹੋਕੇ ਲੜਨ ਹੋਣ ਆਲੇ, ਕਹਿਣੀ ਕਰਨੀ ਦੇ ਇੱਕੋ ਬੰਦੇ ਸਰੀਰ ਤੌਰ ਤੇ ਘੱਟ ਸਮਾਂ ਰਹਿੰਦੇ ਨੇ, ਪਰ ਸੋਚ ਕਰਕੇ ਸਦਾ ਹੀ।
ਉੱਤਲੀ ਉਦਾਹਰਣ ਨਾਲ ਕੰਪੇਅਰ ਨਾ ਕਰਿਓ।
ਲੱਖੇ ਸਿਧਾਣੇ ਨੂੰ ਐਂਤਕੀ ਨੇੜਿਓ ਦੇਖਿਆ ਜਦੋਂ ਕਿਸਾਨੀ ਘੋਲ ਪੰਜਾਬ ‘ਚ ਸੀ।
ਪਰੈੱਸ ਕਾਨਫਰੰਸਾਂ ‘ਚ ਕਿਸਾਨ ਜਥੇਬੰਦੀਆਂ ਦੇ ਮਗਰ ਬਹਿੰਦਾ ਰਿਹਾ। ਏਹਨ੍ਹਾਂ ਤੋਂ ਇੰਚ ਬਾਹਰ ਨਹੀਂ ਹੋਇਆ।
ਦੀਪ ਸਿੱਧੂ ਨਾਲ ਜਥੇਬੰਥੀਆਂ ਦੇ ਵਿਚਾਰਕ ਮਤਭੇਦ ਹੋਣਗੇ ਪਰ ਲੱਖੇ ਨੂੰ ਸਟੇਜ ਤੇ ਨਾ ਬੋਲਣ ਦੇਣਾ ਸਮਝੋ ਪਰ੍ਹੇ ਆ। ਸਟੇਜ ਤੋਂ ਬੋਲਦੇ ਦਾ ਕੁੜਤਾ ਖਿੱਚਕੇ ਖੇਹ ਕਰਾਕੇ ਕੀ ਮਿਲਿਆ?
ਲੱਖਾ ਕੱਲੀ ਕਿਸਾਨੀ ਨਹੀਂ, ਪੰਜਾਬ, ਬੋਲੀ ਤੇ ਅਨੰਦਪੁਰ ਦੇ ਮਤੇ ਵੱਲ ਵੀ ਅਹੁਲਦਾ।
ਬੋਰਡਾਂ ਤੇ ਕਾਲੀ ਕੂਚੀ ਮਾਰਕੇ ਪਰਚੇ ਕਰਾਏ ਓਹਨੇ। ਪੰਜਾਬੀ ਦਾ ਤੇਹ ਕਰਦਾ। ਬਾਹਾਂ ਖੜ੍ਹੀਆਂ ਕਰਕੇ ਸ਼ਰੇਆਮ ਕਹਿੰਦਾ ਕਿ ਕਬਜ਼ੇ ਲਏ, ਕੁੱਟਾਮਾਰਾਂ ਕੀਤੀਆਂ।
ਮਾੜਾ ਪੱਖ ਲੁਕੋਂਦਾ ਨਹੀਂ।
ਦੂਜੇ ਪਾਸੇ ਰੇਤਾ, ਟਰਾਂਸਪੋਰਟ ਖਾਣ ਆਲੇ, ਪੁੱਤ ਪੋਤਿਆਂ ਆਲੇ ਹੋਕੇ ਮਸ਼ੂਕਾਂ ਨਾਲ ਸੌਣ ਬਹਿਣ ਆਲਿਆਂ ਨਾਲ਼ੋਂ ਤਾਂ ਚੰਗਾ। ਸ਼ਾਪਿੰਗ ਮਾਲ, ਟੌਲ ਪਲਾਜੇ ਬੰਦ ਕਰਾਓਣ ਦਾ ਵੱਡਾ ਯੋਗਦਾਨ ਰਿਹਾ ਓਹਦਾ।
ਜਥੇਬੰਦੀਆਂ ਆਲੇ ਸਾਡੇ ਲਈ ਸਤਿਕਾਰਯੋਗ ਨੇ। ਓਹਨ੍ਹਾਂ ਦਾ ਫਰਜ ਬਣਦਾ ਖਾਲਸਾ ਏਡ ਨੂੰ ਅੱਤਵਾਦੀ ਕਹਿਣ ਆਲਿਆਂ ਦੀ ਰੇਲ ਬਣਾਓਣ। ਬਲਕੌਰੇ ਬੁੜ੍ਹੇ ਤੋਂ ਮੁਆਫੀ ਮੰਗਾਓਣ।
ਏਕਾ ਦੋਹੇਂ ਧਿਰਾਂ ਰੱਖਣ। ਸਿੱਖਾਂ ਨੇ ਕੱਲਾ ਠੇਕਾ ਨਹੀਂ ਲਿਆ ਏਕੇ ਦਾ।
26 ਜਨਵਰੀ ਦਾ ਠੋਕਵਾਂ ਪ੍ਰੋਗਰਾਮ ਦੇਣ, ਟ੍ਰਾਲੀਆਂ ‘ਚ ਤਾਸ਼ ਬਥੇਰੀ ਖੇਡਲੀ।
ਚੜੂਨੀ ਵੰਗੂ ਸ਼ਪੱਸ਼ਟ ਹੋਣ। ਟ੍ਰੈਕਟਰ ਟਪਾਓਣੇ ਆ ਮੋਟਰਸੈਕਲ ਨਹੀਂ ਬੀ ਗਲ਼ੀਆਂ ‘ਚੋਂ ਟੱਪ ਜਾਣਗੇ।
ਜਿੱਤਾਂਗੇ ਜ਼ਰੂਰ...ਸ਼ੰਕਿਆਂ ‘ਚ ਨਾ ਰਹੋ...ਘੁੱਦਾ
No comments:
Post a Comment