ਜਿੱਤਾਂ ਹਾਰਾਂ ਮਾਲਕ ਹੱਥ ਹੁੰਦੀਆਂ ਤੇ ਮਾਲਕ ਹੁਣ ਸਾਡੇ ਵੱਲ ਆ।
ਹਾਕਮ ਨੇ ਧਾਰਾ ੩੭੦ ਤੋੜੀ, ਜੀ ਐੱਸ ਟੀ ਲਾਈ, ਨੋਟਬੰਦੀ ਕੀਤੀ। ਮੁਲਖ ਨੇ ਬਥੇਰਾ ਤ੍ਰਾਹ ਤ੍ਰਾਹ ਕੀਤਾ ਪਰ ਓਹਨੇ ਕੋਈ ਫੈਸਲਾ ਵਾਪਸ ਨਹੀਂ ਲਿਆ। ਤੇ ਸਾਡਾ ਵੀ ਇਹੀ ਇਤਿਹਾਸ ਆ ਔਰੰਗਜ਼ੇਬ, ਮੀਰ ਮਨੂੰ, ਜ਼ਕਰੀਆ, ਅਬਦਾਲੀ ਤੇ ਮੱਸੇ ਹੋਣਾਂ ਦੀ ਧੌਣ ਦਾ ਕਿੱਲਾ ਬੜੇ ਸ਼ੌਂਕ ਨਾਲ ਕੱਢਿਆ।
ਅੱਜ ਪਿੰਡ ਜਾ ਰਹੇ ਆਂ। ਦੋ ਚਾਰ ਦਿਨਾਂ ਤੱਕ ਮੁੜਾਂਗੇ।
ਦਿੱਲੀ ਵੱਲ ਜਾਂਦੀਆਂ ਰਾਹ ‘ਚ ਇੱਕ ਟ੍ਰੈਕਟਰ ਮਗਰ ਦੋ ਦੋ ਟਰਾਲੀਆਂ ਮਿਲ ਰਹੀਆਂ। ਇੱਕ ਟਰਾਲੀ ‘ਚ ਬੰਦੇ ਦੂਜੀ ‘ਚ ਸੌਦਾ ਪੱਤਾ, ਬਾਲਣ। ਝੰਡੇ ਲੱਗੇ, ਗੀਤ ਵੱਜ ਰਹੇ। ਬਹੁਤੇ ਪਿੰਡਾਂ ‘ਚੋਂ ਪੰਜ ਪੰਜ ਟਰਾਲੀਆਂ ਜਾ ਰਹੀਆਂ।
ਕਾਰਾਂ ‘ਚ ਪਰਿਵਾਰਾਂ ਦੇ ਪਰਿਵਾਰ ਜਾ ਰਹੇ ਨੇ।
ਬਾਕੀ ਚਾਰ ਪੰਜ ਦਿਨਾਂ ਤੋਂ ਫੇਸਬੁੱਕ ਤੇ ਰਾਜੇਵਾਲ ਦੀ ਤਾਰੀਫ਼ ਖਾਸੀ ਹੋ ਰਹੀ ਸੀ, ਬਲੋਅ ਮਾਰ ਗਿਆ। ਓਹਨੂੰ ਦੱਸੋ ਏਸੇ ਕੇਸਰੀ ਨਿਸ਼ਾਨ ਥੱਲੇ ਆਪਾਂ ਕਾਸ਼ਤਕਾਰਾਂ ਤੋਂ ਜ਼ਿੰਮੀਦਾਰ ਬਣੇ ਸੀ।
ਯੂਟਿਊਬ ਦੇ ਬੰਦ ਹੋਣ ਦਾ ਕੋਈ ਵੀ ਕਾਰਨ ਹੋਵੇ, ਜਿਹੜੀ ਧਿਰ ਨਾਲ ਲੜ ਰਹੇ ਸਾਰਾ ਕੁਛ ਓਹਦੇ ਹੱਥ ਆ। ਨੈੱਟ ਵੀ ਬੰਦ ਕਰ ਸਕਦੇ ਅਗਲੇ।
ਅਸੀਂ ਓਸ ਇਤਿਹਾਸ ਤੋਂ ਸੇਧ ਲੈਕੇ ਜੰਗ ਲੜ ਰਹੇ ਆਂ, ਜਦੋਂ ਕੋਈ ਖ਼ਾਸ ਸੁਨੇਹਾ ਵੀ ਮਹੀਨਿਆਂ ਬਾਅਦ ਮਿਲਦਾ ਸੀ।
ਕਿਤੋਂ ਕੋਈ ਖ਼ਬਰ ਵੀ ਨਾ ਮਿਲੇ, ਦਿੱਲੀ ਦਾ ਰਾਹ ਤਾਂ ਜਾਣਦੇ ਓਂ, ਬੱਸ ਸਿੱਧੇ ਹੋਜਿਓ ਮੜਾਸਾ ਮਾਰਕੇ.....ਅਗਵਾਈ ਬਾਜ਼ਾਂ ਆਲਾ ਕਰ ਰਿਹਾ
No comments:
Post a Comment