ਹਾਣੀ ਬਨਾਮ ਬਾਬਾ ਕੰਵਲ

ਘੁੱਗ ਵੱਸਦੇ ਜਿਲ੍ਹੇ ਮੋਗੇ ਵਿੱਚ ਇੱਕ ਢੁੱਡੀਕੇ ਨੌਂ ਦਾ ਪਿੰਡ ਆਉਂਦਾ ਤੇ ਰੈਂਹਦੀ ਦੁਨੀਆਂ ਤੀਕਰ ਏਸ ਪਿੰਡ ਦਾ ਨਾਂ ਜਿਓਦਾਂ ਰਹਿਣਾ
ਕਿਓਕਿ ਬਾਪੂ ਜਸਵੰਤ ਸਿੰਘ ਕੰਵਲ ਏਸੇ ਢੁੱਡੀਕੇ ਪਿੰਡ ਦੀ ਪੈਦਾਇਸ਼ ਨੇ। ਸੁੱਕੀ ਮਿੱਟੀ ਤੇ ਤਰੌਂਕੇ ਸੱਜਰੇ ਪਾਣੀ ਵੰਗੂ ਜਸਵੰਤ ਕੰਵਲ ਦੇ ਨਾਵਲ ਲੋਕਾਂ ਦੇ ਮਗਜ਼ਾਂ ਨੂੰ ਸੁਗੰਧ ਬਣਕੇ ਚੜ੍ਹਦੇ ਨੇ। ਜਦੋਂ ਆਪਣੇ ਦਾਦੇ ਅਰਗੇ ਚੋਬਰ ਹੁੰਦੇ ਸੀ ਓਦੋਂ ਕੰਵਲ ਹੋਣਾਂ ਨੇ ਲਿਖਣਾ ਸ਼ੁਰੂ ਕੀਤਾ ਸੀ। ਸੱਠਵੇਆਂ ਵਿੱਚ ਕਾਮਰੇਡੀ ਵਿਚਾਰਧਾਰਾ ਤੇ ਲਿਖਦੇ ਰਹੇ ਤੇ ਫੇਰ ਕਾਲੇ ਸਮੇਆਂ 'ਚ ਸਿੱਖ ਸਿਆਸਤ ਬਾਰੇ ਲਿਖਿਆ। ਤੇ ਸਭ ਤੋਂ ਖਾਸ ਗੱਲ ਅੱਜ ਕੱਲ੍ਹ ਦੇਸ਼ਾਂ ਵਿਦੇਸ਼ਾਂ 'ਚ ਰਲੀਜ਼ ਹੋਈ ਪੰਜਾਬੀ ਫਿਲਮ "ਹਾਣੀ" ਜਸਵੰਤ ਸਿੰਘ ਕੰਵਲ ਦੀ ਹੀ ਲਿਖੀ ਵਈ ਆ। ਕੱਲ੍ਹ "ਹਾਣੀ" ਵੇਖਣ ਦਾ ਸਬੱਬ ਬਣਿਆ। ਪਰਦੇ ਤੇ ਲਿਖਿਆ ਆਇਆ story by - Amitoj Maan
ਪਰ ਅੱਧੇ ਘੈਂਟੇ ਦੀ ਫਿਲਮ ਵੇਖਕੇ ਈ ਪਤਾ ਲੱਗ ਗਿਆ ਕਿ "ਹਾਣੀ" ਦੀ ਕਹਾਣੀ ਜਸਵੰਤ ਕੰਵਲ ਦੇ ਨਾਵਲ "ਪੂਰਨਮਾਸ਼ੀ" ਤੋਂ ਲਈ ਵਈ ਆ। ਤਕਰੀਬਨ ਉੱਨੀ ਸੌ ਨੰਜਾ, ਪੰਜਾਹ 'ਚ ਏਹ ਨਾਵਲ ਲਿਖਿਆ ਸੀ। ਪੂਰਨਮਾਸ਼ੀ ਨਾਵਲ ਦੇ ਪਾਤਰਾਂ ਦੇ ਨਾਂ ਫਿਲਮ ਵਿੱਚ ਚੇਂਜ ਕਰਤੇ ਬਾਕੀ ਮਾੜੀ ਮੋਟਾ ਕਹਾਣੀ ਨੂੰ ਮੋਲਡ ਕੀਤਾ ਵਾ। ਫਿਲਮ ਵੇਖਿਓ ਲਾਜ਼ਮੀ, ਬਹੁਤ ਕੈਮ ਆ,ਪਰ ਏਹ ਬੜਾ ਮਾੜਾ ਕਰਿਆ ਜਸਵੰਤ ਸਿੰਘ ਕੰਵਲ ਨੂੰ ਜਮਾਂ ਅੱਖੋਂ ਪਰੋਖੇ ਕਰਤਾ ਬਾਈਆਂ ਨੇ ।ਬਾਕੀ ਆਹ ਝੱਗੇ ਬਲੈਣਾਂ ਪਾਕੇ ਕੈਮਰੇ ਮੂਹਰੇ ਧਮੁੱਕ ਮਾਰਨ ਆਲੇਆਂ ਤੋਂ ਨਾ ਡਰਿਆ ਕਰੋ, ਪੰਜਾਬੀ ਨੂੰ ਬਚਾਉਣ ਆਲੇ ਬਾਬੇ ਕੰਵਲ ਅਰਗੇ
ਹਲੇ ਵੀ ਢੁੱਡੀਕੇ ਦੀ ਹਵਾ 'ਚ ਸਾਹ ਲੈ ਰਹੇ ਨੇ.....ਘੁੱਦਾ