ਮੇਰੀ ਸੂਈ ਹਜੇ ਜੰਗ ਤੇ ਈ ਅੜੀ ਬਈ ਆ। ਮਸਲਾ ਏਹ ਨਹੀੰ ਕਿ ਜੰਗ ਟਲ ਰਹੀ ਆ, ਗਲਤੀਆੰ ਕਿੱਥੇ ਕਿੱਥੇ ਨੇ ਉਹ ਵਿਚਾਰੋ। ਸਿਆਸਤ ਉੱਤਲੇ ਲੈਵਲ ਦੀ ਗੱਲ ਆ, ਮੈੰ ਆਪਣੀ ਗੱਲ ਕਰਦਾੰ।
ਕਾਲਜ ਸਮੇੰ ਅਸੀੰ ਵਾਹਗਾ ਬਾਰਡਰ ਦੀ ਰੀਟਰੀਟ ਦੇਖੀ ਸੀ। ਉਦੋੰ ਬਾਅਦ ਵੀ ਗਏ। ਭਾਰਤੀ ਮੁਲਖ ਬੜੀ ਹੁਰਲ ਹੁਰਲ ਕਰਦਾ ਓਥੇ। "ਭਾਰਤ ਮਾਤਾ ਕੀ ਜੈ" ਕਹਿੰਦਿਆੰ ਮੂੰਹੋੰ ਜਰਦਾ ਮੱਲੋ ਮੱਲੀ ਡਿੱਗ ਪੈੰਦਾ। ਬਹੁਤ ਘੱਟ ਪੰਜਾਬੀ ਲੋਕ ਓਥੇ ਜਾੰਦੇ ਨੇ, ਮੋਸਟਲੀ ਨੌਨ ਪੰਜਾਬੀ ਹੁੰਦੇ ਨੇ। ਲਲਕਰੇ ਮਾਰੇ ਜਾੰਦੇ ਨੇ, ਹੁੜੀ ਉਏ। ਮੁਲਖ ਲਟੋਪੀੰਘ ਹੁੰਦਾ। ਕੁੱਕੜ ਭੜਾਕੇ ਨੂੰ ਕਾਗਜ਼ ਤੇ ਧਰਕੇ ਚਲਾਉਣ ਆਲਿਆੰ ਨੂੰ ਵੀ ਫੇਰੇਦੇਣੀ ਅਲੈਹਦੀ ਦੇਸ਼ਭਗਤੀ ਚੜ੍ਹਦੀ ਆ। ਦੂਜੇ ਪਾਸੇ ਪਾਕਿਸਤਾਨ ਦੇ ਥੋੜ੍ਹੇ ਜੇ ਲੋਕ ਠਰੰਮੇ ਨਾਲ ਦੇਖਦੇ ਨੇ। ਅਸਲ 'ਚ ਰੀਟਰੀਟ ਸਰਮਨੀ 'ਚ ਦੂਜੇ ਮੁਲਖ ਨੂੰ ਚਿੜ੍ਹਾਇਆ ਈ ਜਾੰਦਾ।
ਅਗਲੀ ਗੱਲ। ਸਟੇਟਸ ਪਾਏ ਜਾ ਰਹੇ ਨੇ। ਅਖੇ ਜੇ ਭਾਰਤ ਪਾਕਿਸਤਾਨ ਬੰਨੀੰ ਮੂੰਹ ਕਰਕੇ ਮੂਤ ਕਰਦੇ ਤਾੰ ਓਧਰ ਹੜ੍ਹ ਆ ਜਾਣਗੇ। ਅਖੇ ਜਿੰਨੀ ਪਾਕਿ ਦੀ ਜਨ ਸੰਖਿਆ ਓਨੇ ਤਾੰ ਭਾਰਤੀ ਜੀਓ ਦੀ ਸਿੰਮ ਲੈਣ ਖਾਤਰ ਲੈਨ 'ਚ ਲੱਗੇ ਬਏ ਨੇ। ਨਾ ਇਹ ਬੜੀ ਭੱਦਰਕਾਰੀ ਆ।
ਮੁਲਖ ਛੋਟਾ ਹੋਵੇ ਜਾੰ ਵੱਡਾ ਸੈਲਫ ਰਸਪੈਕਟ ਸ਼ੁੱਡ ਬੀ ਦੇਅਰ।
ਸਾਰੇ ਪਾਕੀ ਚੰਗੇ ਨਹੀੰ ਤੇ ਸਾਰੀ ਭਾਰਤੀ ਵੀ ਚੰਗੇ ਨਹੀੰ।
ਚੰਨ ਤਾਰੇ ਆਲੇ ਹਰੇ ਝੰਡੇ ਨੂੰ ਸਾੜਕੇ ਤੁਸੀੰ ਦੇਸ਼ਭਗਤ ਨਹੀੰ ਬਨਣ ਲੱਗੇ। ਸਾਲੀ ਕਤੀਹੜ।
ਬੰਦਿਆੰ ਅੰਗੂ ਰਹੋ, ਤਾਕਤ ਨੂੰ ਅੰਡਰ ਅਸਟੀਮੇਟ ਨਾ ਕਰੋ। ਜੇ ਓਹ ਨਾ ਬਚੇ ਤਾੰ ਅੱਧਾ ਭਾਰਤ ਵੀ ਨਈੰ ਬਚਦਾ।ਅਗਲੇ ਪਾਥੀਆੰ ਅੰਗੂ ਪੱਥਕੇ ਘਰ ਘਰ ਪਰਮਾਣੂ ਧਰੀ ਬੈਠੇ ਆ। ਏਹ ਦੇਵ ਦਰਸ਼ਨ ਧੂਫ ਬੱਤੀ ਨਹੀੰ ਬੀ ਸਮਿੱਲਾੰ ਆਉਣਗੀਆੰ। ਹੀਰੋਸ਼ੀਮਾੰ ਨਾਗਾਸਕੀ ਨੂੰ ਗੂਗਲ ਕਰੋ। ਯੱਦੇ ਲਾਡ ਦੇ.....ਘੁੱਦਾ
No comments:
Post a Comment