ਚੱਲ ਪੁੱਛੀਏ

ਚੱਲ ਪੁੱਛੀਏ ਝਨਾਂ ਦੀਆਂ ਛੱਲਾਂ ਨੂੰ
ਉਸ ਕਿੱਥੇ ਲਕੋਇਆ ਸੋਹਣੀ ਨੂੰ
ਤੀਰ ਟੁੱਟਗੇ ਤਰਕਸ਼ ਖਾਲੀ ਸੀ
ਕੋਈ ਟਾਲ ਸਕੇ ਨਾ ਹੋਣੀ ਨੂੰ
ਕੱਠ ਹੋਇਆ ਗੋਰਖ ਦੇ ਟਿੱਲੇ ਤੇ
ਕੋਈ ਖੜ੍ਹਿਆ ਏ ਜੋਗ ਲੈਣ ਲਈ
ਹੱਥ ਕਾਸਾ ਕੰਨੀ ਮੁੰਦਰਾਂ ਨੇ
ਤੇ ਰਾਹ ਖੇੜਿਆਂ ਦੇ ਪੈਣ ਲਈ
ਫੇਰ ਖਾਲੀ ਘੋੜੀ ਹਿਣਕ ਰਹੀ
ਕੀ ਹੋਇਆ ਦੱਸ ਅਸਵਾਰਾਂ ਨੂੰ
ਕਿਸ ਟੂਣਾ ਚੌਰਾਹੇ ਵਿੱਚ ਕੀਤਾ
ਜੋ ਲੱਗੀ ਨਜ਼ਰ ਪਿਆਰਾਂ ਨੂੰ
ਕਹਾਣੀ ਓਹੀ ਪਾਤਰ ਨਿੱਤ ਨਵੇਂ
ਬਾਜ਼ੀ ਰਾਸ ਨਾ ਆਏ ਹਜ਼ਾਰਾਂ ਨੂੰ
ਯਾਰ ਰੂਹ ਦਾ ਮੁੱਲ ਨਾ ਵਿਕਦਾ
ਨਿੱਤ ਗੇੜੇ ਮਾਰ ਬਜ਼ਾਰਾਂ ਨੂੰ ...ਘੁੱਦਾ