ਕਰਾਚੀ ਜਿੰਨੇ ਨਾ ਕਿਧਰੇ

ਕਰਾਚੀ ਜਿੰਨੇ ਨਾ ਕਿਧਰੇ ਬੰਬ ਚੱਲਦੇ
ਇਤਿਹਾਸਕ ਸ਼ਹਿਰ ਨਾ ਕੋਈ ਲਾਹੌਰ ਜੈਸਾ
ਰੰਗ ਕਾਲਾ ਨਾ ਅਫਰੀਕਾ ਦੇਸ਼ ਜਿੰਨਾ
ਤੇ ਬਲਦ ਹੈਨੀ ਕਿਧਰੇ ਨਗੌਰ ਜੈਸਾ
ਨੀਤੀਵਾਨ ਅਮਰੀਕਾ ਦੇ ਹੈਨ ਬਾਹਲੇ
ਭਾਰਾ ਪੰਛੀ ਨਾ ਸ਼ੁਤਰ ਜਨੌਰ ਜੈਸਾ
ਗੱਭਰੂ ਸੋਹਣੇ ਨਾ ਝੰਗ ਸਿਆਲ ਜਿੰਨੇ
ਫਿਕਰ ਕਿਸੇ ਨਾ ਮਾਪੇਆਂ ਦੀ ਗੌਰ ਜੈਸਾ
ਹੁਸਨ ਝੱਲੀ ਦਾ ਨਾ ਮਾਝੇ ਜੰਮੀਆਂ ਦਾ
ਤੇ ਮਤਲਬੀ ਹੁੰਦਾ ਨਾ ਕੋਈ ਭੌਰ ਜੈਸਾ
ਨਿੱਕੀ ਚੀਜ਼ ਬਣੇ ਕੁੱਲ ਜਪਾਨ ਅੰਦਰ
ਤੇ ਵੱਡਾ ਹੈਨੀ ਕੋਈ ਮੰਡਲ ਸੌਰ ਜੈਸਾ
ਖਿਡਾਰੀ ਜੰਮਣੇ ਨਾ ਚੀਨ ਦੇਸ਼ ਜਿੰਨੇ
ਮਾਰਸ਼ਲ ਆਟ ਨਾ ਗਤਕਾ ਜੌਹਰ ਜੈਸਾ
ਬੇਕਿਰਕ ਨਾ ਹੁੰਦਾ ਕੋਈ ਫਸਾਦੀ ਜਿੰਨਾ
ਪ੍ਰਭਾਵ ਪੈਂਦਾ ਨਾ ਪੱਗ ਦੀ ਟੌਹਰ ਜੈਸਾ
ਲੱਖ ਗੋਤ ਲਾਉਂਦੇ ਨੇ ਲੋਕੀਂ ਨਾਂ ਪਿੱਛੇ
ਪਰ ਰੋਹਬ ਨਾ ਘੁੱਦੇ ਸਿੰਘ ਕੌਰ ਜੈਸਾ.....ਘੁੱਦਾ