ਤੇਰਾ ਲਾਭਾ ਯਾਰ ਕੁੜੇ

ਨਾ ਲੋੜ ਡਰੈਬਰੀ ਲਸੰਸ ਦੀ ਨਾ ਕਾਪੀ ਦੀ ਲੋੜ ਕੁੜੇ
ਉੱਖਲੀ, ਖੱਡਾ, ਚੀਹਲਾ ਚਿੱਕੜ ਨਾ ਭਾਲੇ ਪੱਕੀ ਰੋੜ ਕੁੜੇ
ਹੈਂਡਲ ਮਾਰ ਸ਼ਟਾਟ ਹੁੰਦਾ ਕੀ ਲੋੜ ਆ ਨਿੱਕੀਏ ਚਾਬੀ ਦੀ
ਵਿਦਆਊਟ ਸ਼ੌਕਰ ਹਲੋਰੇ ਮਾਰਕੇ ਤੋਰ ਤੁਰੇ ਮੁਰਗਾਬੀ ਦੀ
ਉੱਤਲੀ ਜੇਬ 'ਚ ਬੀੜੀ ਜਰਦਾ ਸਿਰ ਸਾਫਾ ਡੱਬੀਦਾਰ ਕੁੜੇ
ਡਰੈਬਰ ਫੀਟਰ ਰੇਹੜੇ ਦਾ ਤੇਰਾ ਲਾਭਾ ਯਾਰ ਕੁੜੇ

ਭੁੱਕੀ ਖਾਣ ਨੂੰ ਵਰਤੇ ਕਿਸੇ ਲਾਲੇ ਦਾ ਵਿਜ਼ਟਿੰਗ ਕਾਟ ਕੁੜੇ
ਪੈਰ ਰੇਸ਼ ਤੇ , ਫੁੱਲ ਸ਼ਪੀਡਾਂ ਵੱਢਦਾ ਜਾਦਾਂ ਵਾਟ ਕੁੜੇ
ਚਿਪ ਭਰਾਕੇ ਡਿੱਕ 'ਚ ਪਾਲੀ ਮਰਜਾਣਾ ਮਾਨ ਬਜਾਤਾ ਨੀਂ
ਓਕੇ, ਬਾਏ ,ਹਾਰਨ ਪਲੀਜ਼ ਪਿੱਛੇ ਅੰਗਲੈਂਰਨ ਤੇ ਲਿਖਾਤਾ ਨੀਂ
ਵਿਆਹ ਸ਼ਾਦੀ ਲਈ ਸੰਪਰਕ ਕਰੋ ਬੰਦਾ ਮਿਲਣਸਾਰ ਕੁੜੇ
ਡਰੈਬਰ ਫੀਟਰ ਰੇਹੜੇ ਦਾ ਤੇਰਾ ਲਾਭਾ ਯਾਰ ਕੁੜੇ....ਘੁੱਦਾ