ਮੈਂ ਇੱਕ ਲਾਸ਼ ਹਾਂ , ਸਾਹ ਵਗਦੇ ਨੇ ਗੱਲ ਵੱਖਰੀ ਏ,
ਮੇਰੀ ਵੀ ਜ਼ਮੀਰ ਹੈ, ਮਰ ਗਈ ਏ ਗੱਲ ਵੱਖਰੀ ਏ,
ਮੈਂ ਇੱਕ ਆਸ ਹਾਂ, ਟੁੱਟ ਗਈ ਗੱਲ ਵੱਖਰੀ ਏ,
ਮੈਂ ਸੱਚ ਹਾਂ, ਇਹ ਝੂਠ ਹੈ ਗੱਲ ਵੱਖਰੀ ਏ,
ਮੈਂ ਦਰਿਆ ਦਾ ਪਾਣੀ ਹਾਂ, ਖੜੋ ਕੇ ਬੋ ਵੰਡਦਾ ਹਾਂ ਗੱਲ ਵੱਖਰੀ ਏ,
ਮੈਂ ਅੰਬਰ ਦਾ ਤਾਰਾ ਹਾਂ , ਟੁੱਟ ਗਿਆ ਹਾਂ ਗੱਲ ਵੱਖਰੀ ਏ,
ਮੈਂ ਚਾਨਣ ਵੰਡਦਾ ਦੀਵਾ ਹਾਂ, ਗੁੱਲ ਹੋ ਗਿਆ ਗੱਲ ਵੱਖਰੀ ਏ,
ਮੈਂ ਹਕੀਕਤ ਹਾਂ, ਇਹ ਸੁਪਣਾ ਹੈ ਗੱਲ ਵੱਖਰੀ ਏ,
ਮੈਂ ਅਜ਼ਾਦ ਹਾਂ,ਇਹ ਇੱਛਾ ਹੈ ਗੱਲ ਵੱਖਰੀ ਏ,
ਮੈਂ ਅੰਨਦਾਤਾ ਹਾਂ , ਭੁੱਖਾ ਸੌਂਦਾ ਹਾਂ ਗੱਲ ਵੱਖਰੀ ਏ,
ਮੈਂ ਕਹਿਣ ਨੂੰ ਪੰਜ ਆਬ ਹਾਂ, ਪਰ ਵਗਦੇ ਦੋ ਨੇ ਗੱਲ ਵੱਖਰੀ ਏ....
written by --ਅੰਮ੍ਰਿਤ ਪਾਲ ਸਿੰਘ
No comments:
Post a Comment