ਇਨਸਾਨ

ਜਦ ਵੇਖਾਂ ਉੱਡਦਿਆਂ ਪੰਛੀਆਂ ਨੂੰ,

ਤਾਂ ਉੱਡ ਜਾਂਦਾ ਹਾਂ , ਉਹਨਾਂ ਦੇ ਨਾਲ ,

 ਬਿਨ੍ਹਾਂ ਖੰਬਾਂ ਤੋਂ,

ਕਿਸੇ ਅਣਦੇਖੇ ਥਾਂ ਤੇ,

ਨਵੀਂ ਦੁਨੀਆਂ ਵਿੱਚ,                           

ਕਿਸੇ ਦੀ ਭਾਲ ਵਿੱਚ,

ਕੁਝ ਨਵੇਂ ਖੁਆਬ ਲੈ ਕੇ,

ਪਰ ਜਦ ਕੋਈ ਮੈਨੂੰ ਆਣ ਬੁਲਾਉਦਾਂ ਹੈ,

ਤਾਂ ਟੁੱਟ ਜਾਂਦੇ ਨੇ ਸੋਚਾਂ ਦੇ ਖੰਭ,

ਤੇ ਆ ਪਹੁੰਚਦਾ ਹਾਂ ਮੁੜ ਉੱਥੇ ,

ਜਿੱਥੋਂ ਤੁਰਿਆ ਸੀ...

ਤੇ ਫਿਰ ਕੋਸ਼ਿਸ਼ ਕਰਦਾਂ ਹਾਂ ਉੱਡਣ ਦੀ........

ਇੰਝ ਬੜਾ ਔਖਾ ਹੁੰਦਾ ਇੱਛਾਂਵਾਂ ਨੂੰ ਮਾਰਨਾ,

ਚਾਹਤਾਂ ਦਾ ਗਲਾ ਘੁੱਟਣਾ,

ਅਰਮਾਂਨਾਂ ਦਾ ਕਤਲ ਹੁੰਦਿਆਂ ਵੇਖਣਾ,

ਖੁਆਬਾਂ ਨੂੰ ਮਿੱਟੀ ਵਿੱਚ ਮਿਲਾਉਣਾ,

ਪਰ ਸਹਿਣਾ ਪੈਂਦਾ ਸਭ ਕੁੱਝ,

ਕਿਉਂਕਿ ਆਖਿਰ "ਮੈਂ" ਵੀ ਇਨਸਾਨ ਹਾਂ..............

written by   -  ਅਂਮ੍ਰਿਤ ਪਾਲ ਸਿੰਘ