ਬਾਜ਼ਾਂ ਆਲੇ ਨੇ

ਕਸ਼ਮੀਰ ਵੱਲੋਂ ਆਕੇ ਪੰਡਤ ਕਹਿੰਦੇ
ਬਚਾਲਾ ਬਾਬਾ ਹੁਣ ਕੋਈ ਵਾਹ ਨਈਂ
ਦਿੱਲੀ ਬੰਨੀਂ ਹੱਥੀਂ ਬਾਪ ਤੋਰਤਾ
ਕਹਿੰਦਾ ਹੈਗਾ ਮੈਂ ਕੋਈ ਪਰਵਾਹ ਨਈਂ
ਖੜਕਦੀਆਂ 'ਚ ਅੰਦਰ ਨੀਂ ਵੜਿਆ
ਖੰਡੇ ਖੜਕਾਏ ਸੀ ਖੰਡੇ
ਅੱਜ ਕੱਲ੍ਹ ਕਈ ਬਾਬੇ ਵੇਖੇ ਆ
ਪੀਂਦੇ ਨੇ ਹੋਟਲਾਂ ਤੇ ਠੰਢੇ
ਮੈਂ ਕਹਿੰਦਾ ਲੱਖ ਵਾਰੀ ਉੱਜੜਾਂ
ਪਰ ਜਿਓਦਾਂ ਚਾਹੀਦਾ ਪੰਥ
ਮੜ੍ਹੀਆਂ ਤੇ ਕਿਓਂ ਮੱਥੇ ਟੇਕੇ ਦੁਨੀਆਂ
ਛੱਡਕੇ ਹੁਣ ਗੁਰੂ ਗ੍ਰੰਥ
ਔਰੰਗਜ਼ੇਬ ਆਸ਼ੇ ਅੰਗੂ ਸੀ ਕੰਬਦਾ
ਪੜ੍ਹਕੇ ਜਫਰਨਾਮੇਆਂ ਨੂੰ
ਕਿੱਥੇ ਆ ਅਨੰਦਪੁਰ, ਕਿੱਥੇ ਆ ਪਟਨਾ
ਦੁਨੀਆਂ ਤਾਂਹੀ ਪੁੱਛੇ ਸਿਰਨਾਵੇਆਂ ਨੂੰ
ਚਿਲਮਾਂ ਨੀਂ ਪੀਤੀਆਂ , ਸਿਰ ਨਈਂ ਘੁੰਮਾਇਆ
'ਘੁੱਦਿਆ' ਹੋਕੇ ਨਸ਼ੇ 'ਚ ਧੁੱਤ
ਭਗਵੇਂ ਪਾਕੇ ਸੂਟੇ ਨਹੀਂ ਲਾਏ
ਬਾਜ਼ਾਂ ਆਲੇ ਨੇ ਪੁੱਤ ਵਾਰੇ ਸੀ ਪੁੱਤ