ਥਾਵਾਂ ਦੀ ਮਹੱਤਤਾ

ਬਠਿੰਡੇ ਜਿੱਡਾ ਟੇਸ਼ਨ ਹੈਨੀ
ਖੰਨੇ ਜੈਸੀ ਮੰਡੀ
ਫਿਰੋਜ਼ਪੁਰ ਜੇਹੀ ਪੈਲੀ ਹੈਨੀ
ਸੰਤਾਲੀ ਜੈਸੀ ਵੰਡੀ
ਹਿਮਾਚਲ ਅਰਗੀ ਸ਼ਾਤੀ ਹੈਨੀ
ਦਿੱਲੀ ਬਾਹਲੀ ਭੀੜ
ਲੁੱਦੇਆਣੇ ਟਰੈਫਿਕ ਬਾਹਲਾ
ਮਾਨਸਾ ਬੰਨੀਂ ਸੀੜ੍ਹ
ਤਲਵੰਡੀ ਸੰਦ ਖੇਤੀ ਦੇ ਬਣਦੇ
ਭਗਤੇ ਬਨਣ ਹੜੰਬੇ
ਮੁਕਸਰ ਜੁੱਤੀ ਚੰਗੀ ਮਿਲਦੀ
ਫਰੀਦਕੋਟ ਮੇਲੇ ਤੇ ਟੰਬੇ
ਅੰਬਰਸਰ 'ਚ ਸਿੱਖੀ ਬਾਹਲੀ
ਤੇਲੰਗਾਨਾ ਵੱਲ ਫਸਾਦ
ਰਾਜਸਥਾਨ 'ਚ ਊਠ ਸੁਣੀਂਦੇ
ਯੂ. ਪੀ ਬਾਹਲੇ ਕਮਾਦ
ਪਟਿਆਲੇ ਵਿੱਚ ਹਰਿਆਲੀ ਵਾਹਵਾ
ਕੇਰਲ ਬਾਹਲੀ ਪੜ੍ਹਾਈ
ਅਸਾਮ 'ਚ ਚਾਹ ਦੀ ਖੇਤੀ ਕਰਦੇ
ਕਸ਼ਮੀਰ 'ਚ ਨਿੱਤ ਲੜਾਈ
ਗੋਆ ਵਿੱਚ ਰਮਣੀਕ ਨੇ ਥਾਵਾਂ
ਬੰਬੇ ਰਹਿਣ ਸਟਾਰ
ਵਿੱਚ ਗੁਜਰਾਤ ਦੇ ਸੈਰਗਾਹਾਂ ਨੇ
ਦੱਖਣ ਵਿੱਚ ਪਠਾਰ
ਦਿਸਪੁਰ ਮੀਟ ਕੁੱਤੇ ਦਾ ਵਿਕਦਾ
ਛੱਤੀਸਗੜ੍ਹ 'ਚ ਹੋਣ ਧਮਾਕੇ
ਮਥਰਾ ਦੇ ਵਿੱਚ ਮੰਦਰ ਬਾਹਲੇ
ਮਲਮਲ ਮਿਲਦੀ ਢਾਕੇ
ਉਤਰਾਖੰਡ 'ਚ ਪਰਬਤ ਖੁਰਦੇ
ਸੀ ਆਈ ਮੁਸੀਬਤ ਡਾਹਢੀ
ਖੇਤੀ ਵਿੱਚ ਹੁਣ ਹਰਿਆਣਾ ਮੂਹਰੇ
'ਘੁੱਦਿਆ' ਪੰਜਾਬ ਹੋਗਿਆ ਫਾਡੀ