ਪਰਤਿਆਈਆਂ ਬੀਆਂ ਗੱਲਾਂ....ਗੌਰ ਫਰਮਾਏਓ

ਪਰਤਿਆਈਆਂ ਬੀਆਂ ਗੱਲਾਂ....ਗੌਰ ਫਰਮਾਏਓ
1. ਕਿਸੇ ਨਮੀਂ ਫਿਲਮ 'ਚ ਭੱਲੇ ਅਰਗੇ ਦਾ ਬੋਲਿਆ ਜੇਹੜਾ ਡਾਇਲੌਗ ਹਿੱਟ ਹੋਜੇ, ਮੁਲਖ ਓਸੇ ਡਾਇਲੌਗ ਤੇ ਪੇਜ ਬਣਾ ਦੇਂਦਾ ਤੇ ਫੇਰ ਲਿੰਕ ਕਾਪੀ ਕਰਕੇ ਜੰਤਾ ਨੂੰ ਭੇਜ ਕੇ ਆਖਣਗੇ, ਪਰਧਾਨ ਲਾਈਕ ਕਰੀ ਜਰ।
2. ਕਿਸੇ ਤਕੜੇ ਰੈਸਟੋਰੈਂਟ ਤੇ ਜਾਕੇ ਆਪਣਾ ਮੁਲਖ ਮੀਨੂੰ ਆਲ਼ੇ ਕਾਰਡ ਤੇ ਦਾਲਾਂ ਸਬਜ਼ੀਆਂ ਬੰਨੀਂ ਨਹੀਂ , ਬਸ ਰੇਟ ਤੇ ਈ ਨਿਗਾਹ ਮਾਰਦਾ।
3.ਮੁਲਖ ਦੇ ਭਮਾਂ ਘੜੀ ਬੰਨ੍ਹੀ ਹੋਵੇ ਟੈਮ ਫੇਰ ਵੀ ਮੋਬੈਲ ਤੋਂ ਈ ਵੇਖਣਾ ਹੁੰਦਾ ।
4. ਅੱਜ ਕੱਲ੍ਹ ਸਾਰੇ ਸ਼ਹਿਰਾਂ 'ਚ ਰੇਲਵੇ ਲੈਨਾਂ ਤੇ ਬਣੇ ਓਵਰ ਬਰਿੱਜਾਂ ਹੇਠ ਈ ਟੈਕਸੀ ਸਟੈਂਡ ਬਣਦੇ ਨੇ।
5. ਜੇ ਬੰਦੇ ਦਾ favourite ਗੀਤ ਰੇਡੀਏ ਤੇ ਆਉਂਦਾ ਹੋਵੇ, ਤਾਂ ਹੋਰ ਵੀ ਵਧੀਆ ਲੱਗਦਾ।
6. ਆਵਦਾ ਮਿੱਤਰ ਪਿਆਰਾ ਥੋਡੀ ਵਾਲ ਫਰੋਲਣੀ ਭੁੱਲ ਸਕਦਾ, ਪਰ ਖਾਰ ਖਾਣ ਆਲਾ ਵਿਰੋਧੀ ਬੰਦਾ ਲਾਜ਼ਮੀ ਚੈੱਕ ਕਰਦਾ , ਬਸ ਗਲਤੀ ਕੱਢਣ ਲਈ।
7. ਜਦੋਂ ਬਾਟਰ ਬਕਸ ਦਾ ਪਾਣੀ ਘਰਾਂ 'ਚ ਆਉਂਦਾ ਤਾਂ ਮੁਲਖ ਏਹੀ ਗੱਲ ਕੈਂਹਦਾ ,"ਪਰਧਾਨ ਟੂਟੀ ਆਗੀ ਓਏਏ"। ਐਂ ਕੋਈ ਨੀਂ ਕਹਿੰਦਾ ਬੀ ਪਾਣੀ ਆ ਗਿਆ।
8. ਜਦੋਂ ਰੇਲ ਗੱਡੀ ਤੇ ਫੌਜੀ ਜਾਂਦੇ ਹੋਣ, ਆਪਣਾ ਮੁਲਖ ਕੰਮ ਛੱਡਕੇ ਹੱਥ ਹਲਾਕੇ ਬਾਏ ਬਾਏ ਲਾਜ਼ਮੀ ਕਰਦਾ।
9. ਨਹਾਉਣ ਆਲੇ ਥਾਂ ਨੂੰ ਬਾਥਰੂਮ ਕਿਹਾ ਜਾਂਦਾ । ਪਰ ਜਦੋਂ ਆਪਣੇ ਮੁਲਖ ਨੇ ਪਸ਼ਾਬ ਕਰਨਾ ਹੁੰਦਾ ..ਆਹੀ ਗੱਲ ਕਹਿਣਗੇ ,"ਪਰਧਾਨ ਬਾਥਰੂਮ ਕਰਨਾ ਜਰ"। ਪਤਾ ਨੀਂ ਪਤਿਓਹਰੇ ਐਡਾ ਬਾਥਰੂਮ ਕਿਮੇਂ ਕਰਦੇ ਨੇ ?
10 ਅੱਗੇ ਪਿੱਛੇ ਕੋਈ ਚੇਤੇ ਨੀਂ ਕਰਦਾ, ਪਰ 23 ਮਾਰਚ ਨੂੰ ਭਗਤ ਸਿੰਘ ਹੋਣਾਂ ਦੀਆਂ ਫੋਟਮਾਂ ਪਾ ਪਾਕੇ ਮੁਲਖ ਫੇਸਬੁੱਕ ਸੂਣ ਆਲੀ ਕਰ ਦੇਂਦਾ।.....ਘੁੱਦਾ