ਪਰਤਿਆਈਆਂ ਵਈਆਂ ਗੱਲਾਂ.....ਅੱਧ ਚੇਤ

ਪਰਤਿਆਈਆਂ ਵਈਆਂ ਗੱਲਾਂ.....ਅੱਧ ਚੇਤ
1. ਆਵਦੇ ਵਿਆਹ ਦਾ ਫਿਕਰ ਓਨਾ ਆਪ ਨੀਂ ਕਰਦਾ ਬੰਦਾ, ਜਿੰਨਾਂ ਲੋਕਾਂ ਨੂੰ ਹੁੰਦਾ। ਨੰਘਦੇ ਟੱਪਦੇ ਊੰਈ ਆਖੀ ਜਾਣਗੇ," ੳ ਤੂੰ ਪ੍ਰਧਾਨ ਦਖਾਦੇ ਵਿਆਹ ਵਯੂਹ, ਖਵਾਦੇ ਲੱਡੂ ਲੁੱਡੂ।"
2. ਬੰਦਾ ਕਦੇ ਕਿਰਪਾਨ ਜਾਂ ਨਿੱਕਾ ਸ੍ੀ ਸਾਬ੍ਹ ਨੰਗਾ ਕਰਲੇ ਤਾਂ ਬੀਬੀ ਅਰਗੀਆਂ ਸੰਸੇ ਨਾਲ ਆਖਦੀਆਂ," ਰੱਖਦੇ ਵੇ ਛੋਹਰਾ, ਨੰਗੀ ਨੀਂ ਕਰੀਦੀ ਮਾੜੀ ਹੁੰਦੀ ਆ।
3. ਆਮ ਖੇਤੀਬਾੜੀ ਆਲਾ ਸਿੱਧਾ ਜਾ ਬੰਦਾ ਜ਼ਿੰਦਗੀ 'ਚ ਇੱਕ ਆਰੀ ਕੋਟ ਪੈਂਟ ਸਮਾਉਂਦਾ, ਉਹ ਵੀ ਆਵਦੇ ਵਿਆਹ ਨੂੰ। ਓਦੋਂ ਬਾਅਦ ਪੰਜ ਸੱਤ ਸਾਲ ਸਕੀਰੀਆਂ ਦੇ ਵੀ ਸਾਰੇ ਫੰਕਸ਼ਨ ਓਸੇ ਕੋਟ ਪੈਂਟ ਨਾਲ ਈ ਅਟੈਂਡ ਕਰਦਾ।
4. ਸੱਥ 'ਚ ਖੜ੍ਹੇ ਬੰਦੇ ਦੀ ਕਦੇ ਫੋਟੋ ਖਿੱਚਲੋ ਤਾਂ ਉਹ ਆਹੀ ਡਾਇਲੌਗ ਮਾਰਦਾ ਮੂਹਰੋਂ," ਤੂੰ ਜਰ ਨਿੱਟ ਨੁੱਟ ਤੇ ਨਾ ਪਾਦੀਂ ਕਿਤੇ
5. ਮਾਲਾਂ ਜਾ ਹੋਰ ਮਹਿੰਗੇ ਰੈਸਟੋਰੈਟਾਂ ਦੀ ਕਮੀਨੀ ਹਰਕਤ ਹੁੰਦੀ ਆ ਬੀ ਸਹੁਰੇ ਪੀਣ ਖਾਤਰ ਮੁਖਤ ਪਾਣੀ ਵੀ ਨਈਂ ਧਰਦੇ। ਤੇਰੇ ਮੇਰੇ ਅਰਗਾ ਮਾਤੜ੍ਹ ਪਾਣੀ ਦੀ ਬੋਤਲ ਤੇ ਬੀਹ ਲਾਉਣ ਤੋਂ ਝਕੀ ਜਾਂਦਾ।
6. ਜਦੋਂ ਬੇਰੁੱਤਾ ਜਾ ਮੀਂਹ ਮੂੰਹ ਪੈਕੇ ਹਟਦਾ ਓਦੋਂ ਘਰੋਂ ਨਿਕਲਦਾ ਬੰਦਾ ਰਾਹ ਆਉੰਦੇ ਬੰਦੇ ਨੂੰ ਸੁੱਕਾ ਓਲ੍ਹਾਮਾਂ ਈ ਦੇ ਦੇਦਾਂ,"ਓਏ ਜਾਗਰਾ ਆਹ ਕੀ ਕਰਾਈ ਜਾਣਾ ਜਰ"।
7. ਕਈ ਕੁੜੀ ਵਿਆਹੁਣ ਵੇਲੇ ਵਿਚੋਲੇ ਨੂੰ ਆਖਣਗੇ," ਅੱਛਾ ਸਾ ਲੜਕਾ ਢੂੰਢੀਏ ਬੇਟੀ ਕੇ ਲੀਏ"। ਤੇ ਜਦੋਂ ਜਟਵੈਹੜਾਂ ਨੇ ਜਦੋਂ ਕੁੜੀ ਵਿਆਹੁਣੀ ਹੁੰਦੀ ਆ ਓਦੋਂ ਆਖਣਗੇ," ਪਰਸ਼ੋਤਮਾਂ ਕੁੜੀ ਖਾਤਰ ਥਾਂ ਥੂੰ ਭਾਲ ਜਰ ਚੱਜਦਾ" । ਥਾਂ ਈ ਦੇਂਹਦੇ ਆ ਕੱਲਾ.....ਘੁੱਦਾ