ਯੂਰਪ ਦੀ ਪਰਲੀ ਕੰਨੀਂ ਤੇ ਵੱਸਿਆ ਮੁਲਕ 'ਇੰਗਲੈਂਡ'। ਅੰਗਰੇਜ਼ ਕਹਿਲੋ ਜਾਂ ਗੋਰੇ। ਹਿੱਕ ਦੇ ਜ਼ੋਰ ਤੇ ਕੁੱਲ ਦੁਨੀਆਂ ਤੇ ਰਾਜ ਕਰਿਆ ਏਹਨਾਂ ਬੰਦਿਆਂ ਨੇ। ਅਮਰੀਕਾ ਤੋਂ ਲਾਕੇ ਫਿਲੀਪੀਨਜ਼ ਦੇ ਟਾਪੂਆਂ ਤੀਕ ਝੰਡਾ ਝੁੱਲਿਆ ਏਹਨਾਂ ਦਾ। ਭਾਰਤ, ਚੀਨ, ਜਪਾਨ ਅਰਗੇ ਦੇਸ਼ਾਂ ਨੂੰ ਗੋਰਿਆਂ ਨੇ ਆਕੇ ਵਪਾਰ ਖਾਤਰ ਖੋਲ੍ਹਿਆ।
ਪਹਿਲਾਂ ਏਹੇ ਸਾਡੇਆਲੇ ਮੁਲਖ ਡਰਦੇ ਮਾਰੇ ਸੂਰਜ ਨੂੰ ਈ ਪੂਜੀ ਜਾਂਦੇ ਸੀ ਬੀ ਿਕਤੇ ਉੱਤੇ ਨਾ ਡਿੱਗਪੇ। ਏਸ਼ੀਆ ਦੀ ਸੁੱਡਲ ਜੰਤਾ ਪਿੱਗ ਲਾਕੇ ਅੰਦਰ ਤਾੜਕੇ ਜਨਾਨੀਆਂ ਈ ਕੁੱਟੀ ਜਾਂਦੀ ਸੀ ।
ਭਾਰਤ ਦੀ ਅਫੀਮ ਚੀਨੀਆਂ ਨੂੰ ਖਵਾਕੇ ਚੀਨ ਨੂੰ ਨੰਗ ਕਰਿਆ ਸੀ ਗੋਰਿਆਂ ਨੇ। ਵਿਓਤਾਂ ਬਹੁਤ ਤਕੜੀਆਂ ਘੜਦੇ ਸੀ। ਅੰਗਰੇਜ਼ ਭਾਰਤ ਛੱਡਗੇ, ਪਰ ਭਾਰਤੀ ਲੋਕ ਅੰਗਰੇਜ਼ਾਂ ਨੂੰ ਨਹੀਂ ਛੱਡ ਸਕੇ। ਗੱਲ ਗੱਲ ਤੇ ਗੋਰਿਆਂ ਦੀ ਨਕਲ ਕਰਦੇ ਆਂ ਅਸੀਂ। ਜੇਹੇ ਜੇ ਲੀੜੇ ਵਿਆਹਾਂ 'ਚ ਪਾਕੇ ਮੁਲਖ ਸੈਲਫੀਆਂ ਖਿੱਚਦਾ ਫਿਰਦਾ ਏਹੇ ਜੇ ਲੀੜੇ ਤਾਂ ਗੋਰੇ ਦੋ ਤਿੰਨ ਸਦੀਆਂ ਪਹਿਲਾਂ ਤੋੰ ਹੰਢਾ ਰਹੇ ਨੇ। ਅੰਗਰੇਜ਼ਾਂ ਦੀ ਦਿੱਤੀ ਚਾਹ ਨਾਲ ਅੱਖ ਗਿੜ੍ਹਦੀ ਆ ਸਾਡੀ। ਗੋਰਿਆਂ ਦੀ ਖੇਡ ਕਿਰਕਟ ਭਾਰਤੀਆਂ ਦਾ ਟੁੱਕ ਛੁਡਾ ਦਿੰਦੀ ਆ। ਕੁੱਛੜ ਚੁੱਕੇ ਜਵਾਕ ਨੂੰ ਸਸਰੀਕਾਲ ਤੋਂ ਪਹਿਲਾਂ 'ਹੈਲੋ' ਸਿਖਾਈ ਜਾਂਦੀ ਆ।
ਏਸ਼ੀਆਈ ਮੁਲਖ ਹੁਣ ਵੀ ਪੜ੍ਹਨ ਬਹਾਨੇ ਪੱਛਮੀ ਦੇਸ਼ਾਂ ਵੱਲ ਭੱਜਦਾ ਤੇ ਸੌ ਸਾਲ ਪਹਿਲਾਂ ਵੀ ਓਧਰ ਨੂੰ ਭੱਜਦਾ ਸੀ। ਮੱਚੋ ਭਾਵੇਂ ਮੰਨੋ ਕਰੰਟ ਤਾਂ ਹੈਗਾ ਅਗਲਿਆਂ 'ਚ। ਦੂਜੀ ਸੰਸਾਰ ਜੰਗ 'ਚ ਜੇ ਇੰਗਲੈੰਡ ਦੀ ਹਾਲਤ ਪਤਲੀ ਨਾ ਹੁੰਦੀ ਤਾਂ ਭਾਰਤੀ ਮੁਲਖ ਜਿੰਨਾ ਮਰਜੀ 'ਬੰਦੇ ਮਾਤਰਮ' ਕਰੀ ਜਾਂਦਾ ਪਰ ਛੱਡਣਾ ਨਹੀੰ ਸੀ ਗੋਰਿਆਂ ਨੇ। ਅੰਗਰੇਜ਼ਾੰ ਦੀ ਖੂਬੀ ਆ ,ਉਹ ਕਦੇ ਦੋਫਾੜ ਨਈਂ ਹੋਏ। ਤੇ ਸਾਡੀ ਕੌਮ ਦੇ ਅਸੀਂ ਢਾਈ ਟੋਟਰੂ ਆਂ, ਜਿਹੜੇ ਨਿੱਤ ਡਹਿ ਡਹਿ ਮਰਦੇ ਆਂ। .ਏਹੇ ਤ੍ਰਾਸਦੀ ਆ ਸਾਡੀ ......ਘੁੱਦਾ
No comments:
Post a Comment