ਚੂਹੇ ਕੰਡੇ ਨਾਲ ਜ਼ੋਖ ਕੇ ਪੰਡ ਚੱਕਦੇ ਨਰਮੇ ਦੀ
ਪਾਣੀ ਉੱਚੀ ਪੈਲੀ ਨੂੰ ਲਾਉਣਾ ਕਰ ਵਰਤੋਂ ਵਰਮੇ ਦੀ
ਪਟਵਾਰੀ ਮਿਣਨ ਜ਼ਮੀਨਾਂ ਜੀ ਖਿੱਚ ਜ਼ਰੀਬ ਨੂੰ
ਅੱਖ ਮੀਚ ਕਾਣੀ ਵੱਟ ਦੇਖ ਜਰਾ ਹੋ ਕਰੀਬ ਨੂੰ
ਜਮਾਂ ਘਟਾਓ ਕਰ ਉਂਗਲਾਂ ਤੇ ਕਰਦੇ ਘੋਖ ਕੁੜੇ
ਆਹ ਲੱਛਣਾਂ ਤੋਂ ਜਾਣ ਪਛਾਣੇ ਸਾਡੇ ਲੋਕ ਕੁੁੜੇ
ਫੜ੍ਹ ਲੰਮੀ ਢਾਂਗੀ ਟੀਸੀ ਤੋਂ ਕਿੱਕਰਾਂ ਛਾਂਗੀਆਂ
ਇੱਜੜ ਲੁੰਗ ਚਰਦੇ ਮੁੱਢ ਤੇ ਲਾਕੇ ਟਾਂਗੀਆਂ
ਛੁਰੀ ਕਹੀ ਦੇ ਲਾਉਣੀ ਦੰਦੇ ਕੱਢਣੇ ਆਰੀ ਦੇ
'ਪਾਣੀ ਵੱਢਲਾ ਟੈਮ ਹੋ ਗਿਆ' ਕਹਿਣਾ ਵਾਰੀ ਤੇ
ਕਿੱਲੋਆਂ ਨਾਲ ਨਾ ਸਰਦਾ ਸੌਦਾ ਚੱਕਦੇ ਥੋਕ ਕੁੜੇ
ਆਹ ਲੱਛਣਾਂ ਤੋਂ ਜਾਣ ਪਛਾਣੇ ਸਾਡੇ ਲੋਕ ਕੁੜੇ
ਭਰਲੇ ਕੁੱਜੇ ਜਵਾਕਾਂ ਨੇ ਗੂੰਦ ਲਾਹਕੇ ਰੁੱਖਾਂ ਤੋਂ
ਚਿੱਬੜ ਚਟਣੀ ਧਰੀ ਰੋਟੀ ਤੇ ਲੱਗੀਆਂ ਭੁੱਖਾਂ ਤੋਂ
ਬਸ਼ੱਕ ਦੋ ਰੁਪਏ ਸੈਂਕੜਾ ਵਿਆਜ ਲਾਤਾ ਲਾਲੇ ਨੇ
ਚੜ੍ਹਦੀ ਕਲਾ 'ਚ ਰੈਹਣਾ ਕਿਹਾ ਬਾਜ਼ਾਂ ਆਲੇ ਨੇ
ਖੌਣੀ ਕੇਹੀ ਅਨਰਜ਼ੀ ਦੇਂਦੇ ਬਾਣੀ ਦੇ ਸਲੋਕ ਕੁੜੇ
ਆਹ ਲੱਛਣਾਂ ਤੋਂ ਜਾਣ ਪਛਾਣੇ ਸਾਡੇ ਲੋਕ ਕੁੜੇ
ਛਾਤੀ ਵੀ ਨਾ ਕੱਜਣ ਲੀੜੇ ਥੋਡੇ ਕੀ ਕਹਿਣੇ ਨੀਂ
ਬਸ ਸ਼ਰਮ ਹਯਾ ਤੇ ਅਣਖਾਂ ਸਾਡੇ ਗਹਿਣੇ ਨੀਂ
ਕਿਰਕਟ , ਟੈਨਿਸ ਥੋਡੀਆਂ ਹੋਰ ਈ ਖੇਡਾਂ ਨੇ
ਧਰਤੀ ਧੱਕਦੇ ਜਾਂਦੇ ਚੋਬਰ ਪਾਉਂਦੇ ਰੇਡਾਂ ਨੇ
ਬਾਂਦਰ ਕਿੱਲਾ ਈ ਨਾ ਛੱਡਦੇ ਸਾਡੇ ਬੋਕ ਕੁੜੇ
ਆਹ ਲੱਛਣਾਂ ਤੋਂ ਜਾਣ ਪਛਾਣੇ ਸਾਡੇ ਲੋਕ ਕੁੜੇ
ਚੁੱਕ, ਧਰਨ ਤੇ ਮੋਚ ਕੱਢਣੀ ਖਾਸ ਤਜ਼ਰਬੇ ਨੇ
ਸਿਰ ਨੰਗਾ ਹੋਣ ਨਾ ਦੇਂਦੇ ਬਾਬੇ ਖਾਸੇ ਖਰ੍ਹਵੇ ਨੇ
ਅੜਬ ਢਾਂਡੀਆਂ ਚੋਂਦੇ ਪਾਕੇ ਨਿਆਣਾ ਲੱਤਾਂ ਨੂੰ
ਰੱਬ ਨੇ ਸੁਰਗ ਬਣਾਇਆ ਪਿੰਡਾਂ ਦੀਆਂ ਸੱਥਾਂ ਨੂੰ
ਭਰ ਤੌੜੇ 'ਚੋਂ ਡੋਹਰੀ ਪਾਣੀ ਪੀਂਦੇ ਲਾ ਓਕ ਕੁੜੇ
ਆਹ ਲੱਛਣਾਂ ਤੋਂ ਜਾਣ ਪਛਾਣੇ ਸਾਡੇ ਲੋਕ ਕੁੜੇ.....ਘੁੱਦਾ
ਪਾਣੀ ਉੱਚੀ ਪੈਲੀ ਨੂੰ ਲਾਉਣਾ ਕਰ ਵਰਤੋਂ ਵਰਮੇ ਦੀ
ਪਟਵਾਰੀ ਮਿਣਨ ਜ਼ਮੀਨਾਂ ਜੀ ਖਿੱਚ ਜ਼ਰੀਬ ਨੂੰ
ਅੱਖ ਮੀਚ ਕਾਣੀ ਵੱਟ ਦੇਖ ਜਰਾ ਹੋ ਕਰੀਬ ਨੂੰ
ਜਮਾਂ ਘਟਾਓ ਕਰ ਉਂਗਲਾਂ ਤੇ ਕਰਦੇ ਘੋਖ ਕੁੜੇ
ਆਹ ਲੱਛਣਾਂ ਤੋਂ ਜਾਣ ਪਛਾਣੇ ਸਾਡੇ ਲੋਕ ਕੁੁੜੇ
ਫੜ੍ਹ ਲੰਮੀ ਢਾਂਗੀ ਟੀਸੀ ਤੋਂ ਕਿੱਕਰਾਂ ਛਾਂਗੀਆਂ
ਇੱਜੜ ਲੁੰਗ ਚਰਦੇ ਮੁੱਢ ਤੇ ਲਾਕੇ ਟਾਂਗੀਆਂ
ਛੁਰੀ ਕਹੀ ਦੇ ਲਾਉਣੀ ਦੰਦੇ ਕੱਢਣੇ ਆਰੀ ਦੇ
'ਪਾਣੀ ਵੱਢਲਾ ਟੈਮ ਹੋ ਗਿਆ' ਕਹਿਣਾ ਵਾਰੀ ਤੇ
ਕਿੱਲੋਆਂ ਨਾਲ ਨਾ ਸਰਦਾ ਸੌਦਾ ਚੱਕਦੇ ਥੋਕ ਕੁੜੇ
ਆਹ ਲੱਛਣਾਂ ਤੋਂ ਜਾਣ ਪਛਾਣੇ ਸਾਡੇ ਲੋਕ ਕੁੜੇ
ਭਰਲੇ ਕੁੱਜੇ ਜਵਾਕਾਂ ਨੇ ਗੂੰਦ ਲਾਹਕੇ ਰੁੱਖਾਂ ਤੋਂ
ਚਿੱਬੜ ਚਟਣੀ ਧਰੀ ਰੋਟੀ ਤੇ ਲੱਗੀਆਂ ਭੁੱਖਾਂ ਤੋਂ
ਬਸ਼ੱਕ ਦੋ ਰੁਪਏ ਸੈਂਕੜਾ ਵਿਆਜ ਲਾਤਾ ਲਾਲੇ ਨੇ
ਚੜ੍ਹਦੀ ਕਲਾ 'ਚ ਰੈਹਣਾ ਕਿਹਾ ਬਾਜ਼ਾਂ ਆਲੇ ਨੇ
ਖੌਣੀ ਕੇਹੀ ਅਨਰਜ਼ੀ ਦੇਂਦੇ ਬਾਣੀ ਦੇ ਸਲੋਕ ਕੁੜੇ
ਆਹ ਲੱਛਣਾਂ ਤੋਂ ਜਾਣ ਪਛਾਣੇ ਸਾਡੇ ਲੋਕ ਕੁੜੇ
ਛਾਤੀ ਵੀ ਨਾ ਕੱਜਣ ਲੀੜੇ ਥੋਡੇ ਕੀ ਕਹਿਣੇ ਨੀਂ
ਬਸ ਸ਼ਰਮ ਹਯਾ ਤੇ ਅਣਖਾਂ ਸਾਡੇ ਗਹਿਣੇ ਨੀਂ
ਕਿਰਕਟ , ਟੈਨਿਸ ਥੋਡੀਆਂ ਹੋਰ ਈ ਖੇਡਾਂ ਨੇ
ਧਰਤੀ ਧੱਕਦੇ ਜਾਂਦੇ ਚੋਬਰ ਪਾਉਂਦੇ ਰੇਡਾਂ ਨੇ
ਬਾਂਦਰ ਕਿੱਲਾ ਈ ਨਾ ਛੱਡਦੇ ਸਾਡੇ ਬੋਕ ਕੁੜੇ
ਆਹ ਲੱਛਣਾਂ ਤੋਂ ਜਾਣ ਪਛਾਣੇ ਸਾਡੇ ਲੋਕ ਕੁੜੇ
ਚੁੱਕ, ਧਰਨ ਤੇ ਮੋਚ ਕੱਢਣੀ ਖਾਸ ਤਜ਼ਰਬੇ ਨੇ
ਸਿਰ ਨੰਗਾ ਹੋਣ ਨਾ ਦੇਂਦੇ ਬਾਬੇ ਖਾਸੇ ਖਰ੍ਹਵੇ ਨੇ
ਅੜਬ ਢਾਂਡੀਆਂ ਚੋਂਦੇ ਪਾਕੇ ਨਿਆਣਾ ਲੱਤਾਂ ਨੂੰ
ਰੱਬ ਨੇ ਸੁਰਗ ਬਣਾਇਆ ਪਿੰਡਾਂ ਦੀਆਂ ਸੱਥਾਂ ਨੂੰ
ਭਰ ਤੌੜੇ 'ਚੋਂ ਡੋਹਰੀ ਪਾਣੀ ਪੀਂਦੇ ਲਾ ਓਕ ਕੁੜੇ
ਆਹ ਲੱਛਣਾਂ ਤੋਂ ਜਾਣ ਪਛਾਣੇ ਸਾਡੇ ਲੋਕ ਕੁੜੇ.....ਘੁੱਦਾ
No comments:
Post a Comment