ਬੇਵੱਸ ਹੁੰਦੇ ਮਾਪੇ ਵੇਸਵਾ ਦੇ ਘਰਦੇ

ਦਲਾਲ ਤੇ ਵਕੀਲ ਕਦੇ ਹੋਣ ਮਿੱਤ ਨਾ
ਸੂਝਵਾਨ ਕਦੇ ਨਾ ਲੜਾਈ ਕਰਦੇ
ਸਾਂਢੂ ਤੇ ਸ਼ਰੀਕ ਸਦਾ ਰਹਿਣ ਧੁਖਦੇ
ਵੇਖ ਸੁਖੀ ਵੱਸਦੇ ਕਦੇ ਨਹੀਂ ਜਰਦੇ
ਭੌਰ ਉੱਡੇ ਜਿਸਮੋਂ ਤਾਂ ਵੀ ਨਾ ਮੁੱਕਦੇ
ਸੱਚ ਜਾਣੀਂ ਸੂਰਮੇ ਕਦੇ ਨਹੀਂ ਮਰਦੇ
ਨੇਤਾ ਤੇ ਧਨਾਢ ਨੀਤੋਂ ਨੰਗ ਹੁੰਦੇ ਨੇ
ਹੋਣ ਭਾਵੇਂ ਘਰੋਂ ਏਹ ਕਿੰਨੇ ਵੀ ਸਰਦੇ
ਬਾਣੀਏ ਦੀ ਹੱਟ ਤੇ ਅੰਗੀਠੀ ਬਲਦੀ
ਹੱਥ ਠੰਡੀ ਕੁੱਟਾਂ ਦੇ ਕਦੇ ਨਹੀਂ ਠਰਦੇ
ਕਾਲੇ ਆਣ ਠਾਰਦੇ ਨੇ ਹਿੱਕ ਭੋਇੰ ਦੀ
ਚਿੱਟੇ ਫੰਬੀ ਬੱਦਲ ਕਦੇ ਨਹੀਂ ਵਰ੍ਹਦੇ
ਮਾਣ ਵੀ ਨਾ ਸਕਦੇ ਨਜ਼ਾਰਾ ਜਿੱਤ ਦਾ
ਬਾਜ਼ੀ ਜੋ ਮੈਦਾਨ 'ਚ ਕਦੇ ਨਾ ਹਰਦੇ
ਬਾਂਝ ਤੇ ਰੰਡੇਪਾ 'ਘੁੱਦੇ' ਦੁੱਖ ਚੰਦਰੇ
ਦੱਸਦੇ ਨਾਂ ਲੋਕੀਂ ਵਿੱਚੋਂ ਵਿੱਚ ਖਰਦੇ
ਭੁੱਖਾ ਢਿੱਡ ਵੇਚੇ ਗਰਮੈਸ਼ ਪਿੰਡੇ ਦੀ
ਬੇਵੱਸ ਹੁੰਦੇ ਮਾਪੇ ਵੇਸਵਾ ਦੇ ਘਰਦੇ.....ਘੁੱਦਾ