ਜਦੋੰ ਕੋਈ ਗੱਲ ਵਾਰ ਵਾਰ ਰਪੀਟ ਹੁੰਦੀ ਰਹੇ ਤਾੰ ਓਹ ਗੱਲ ਆਪਣਾ ਪ੍ਰਭਾਵ ਗਵਾ ਲੈੰਦੀ ਆ। ਧੀਆੰ, ਭੈਣਾੰ ਦੀ ਗੱਲ ਕਰਦੇ ਆੰ, ਤੇਰੀਆੰ ਕੀ ਤੇ ਸਾਡੀਆੰ ਕੀ।
ਪਿਛਲੇ ਵਾਹਵਾ ਸਮੇੰ ਤੋੰ ਮੁਲਖ ਨੇ ਇੱਕੋ ਰੱਟਾ ਲਾਇਆ ਬਾ, ਹਾਏ ਓਏ ਲੋਕੋ ਕੁੜੀਆੰ ਮਾਰਤੀਆੰ। ਗੀਤ, ਕਵਿਤਾ, ਗਜ਼ਲਾੰ, ਕਾਨਫਰੰਸਾੰ, ਸੈਮੀਨਾਰ, ਸੌ ਕੁਛ ਹੁੰਦਾ ਏਹਦੇ ਬਾਬਤ।
ਲੇਖਕ ਲੂਖਕ ਜੇ ਫੀਲਿੰਗ ਬਾਹਲੀ ਛਕਦੇ ਆ। ਆਵਦੇ ਲੇਖਾੰ ਨੂੰ ਭਾਰਾ ਕਰਨ ਖਾਤਰ "ਪੈਰ ਦੀ ਜੁੱਤੀ" ਮਰਦ ਪ੍ਰਧਾਨ ਸਮਾਜ' ਅਰਗੀਆੰ ਜ਼ਦਖਦੀਆੰ ਜੀਆੰ ਗੱਲਾੰ ਦਾ ਸਹਾਰਾ ਲੈੰਦੇ ਨੇ।
ਅਸਲ 'ਚ ਐਹੇ ਜਾ ਕੁਛ ਨਹੀੰ। ਹਰੇਕ ਘਰੇ, ਘਰ ਦਿਆੰ ਕੰਮਾੰ 'ਚ ਸਾਰੀਆੰ ਬੁੜ੍ਹੀਆੰ ਕੁੜੀਆੰ ਦੀ ਸਲਾਹ ਲਈ ਜਾੰਦੀ ਆ। ਸਵਾ ਅਰਬ ਮੁਲਖ ਦਾ ਨੱਕ ਰੱਖਆ ਕੁੜੀਆੰ ਨੇ, ਦੋ ਮੈਡਲ ਸਿੱਟਲੇ।
ਕੋਈ ਕੁੜੀ ਚੰਗੀ ਮੱਲ ਮਾਰਜੇ ਤਾੰ ਗੱਲਾੰ ਹੁੰਦੀਆੰ," ਦੇਖ ਫਲਾਣੀ ਕੁੜੀ ਵੀ ਮੈਡਲ ਜਿੱਤਗੀ, ਫਲਾਣੀ ਕੁੜੀ ਹੁੰਦੇ ਹੋਏ ਵੀ ਸਾਰਿਆੰ ਤੋੰ ਵੱਧ ਨੰਬਰ ਲੈਗੀ। 'ਵੀ' ਸ਼ਬਦ ਇਓੰ ਵਰਤਣਗੇ ਜਿਮੇੰ ਕੁੜੀ ਹੋਣਾੰ ਅਪਾਹਜ ਪੁਣਾ ਹੁੰਦਾ।
ਦਮ ਸੀਗਾ ਅਗਲੀ 'ਚ ਤਾੰਹੀ ਜਿੱਤੀ ਆ।
ਓਹ ਸਮੇੰ ਲੱਦਗੇ ਜਦੋੰ ਬੇਬੇ ਅਰਗੀਆੰ ਮੁੁੰਡਿਆੰ ਨੂੰ ਚੁੱਲ੍ਹੇ ਕੋਲ ਬਹਾ ਕੇ, ਫੁੱਲੀ ਰੋਟੀ ਦੀ ਤਹਿ ਪਾੜਕੇ ਵਿੱਚ ਮਖਣੀ ਭਰਕੇ ਖਵਾਉੰਦੀਆੰ ਸੀ ਤੇ ਦੂਏ ਪਾਸੇ ਕੁੜੀਆੰ ਤੋੰ ਕੱਲਾ ਗੋਹਾ ਈ ਸਿਟਾਈ ਜਾੰਦੀਆੰ ਸੀ। ਹੁਣ ਹਰਿੱਕ ਮਾੰ ਪਿਓ ਕੁੜੀਆੰ ਨੂੰ ਪੂਰੀ ਤਵੱਜੋੰ ਦਿੰਦਾ। ਸਾਡੇ ਦੇਖਣ ਦੀ ਗੱਲ ਆ, ਸਾਡੀ ਕੁੜੀ ਨੂੰ ਚੀਜ਼ ਪਹਿਲਾੰ ਮਿਲਦੀ ਸੀ ਤੇ ਸਾਨੂੰ ਬਾਅਦ 'ਚ । ਸਾਡੇਆਲੇ ਨਿੱਕੇ ਦੇ ਤਾੰ ਤੜਕੇ ਨਰਣੇ ਕਾਲਜੇ ਈ ਦੋ ਤਿੰਨ ਲਫੇੜੇ ਧਰ ਦਿੰਦੇ ਸੀ ਬੀ ਚੱਲ ਆਥਣ ਤੀਕ ਊੰ ਵੀ ਏਹਨੂੰ ਲੋੜ ਤਾੰ ਪਊ ਪਊ ।
ਜੇ ਕੋਈ ਬਾਹਲੀ ਈ ਗਰਕੀ ਸੋਚ ਦਾ ਬੰਦਾ ਆ ਫੇਰ ਤਾੰ ਕੀ ਕਹਿਣਾ, ਨਹੀੰ ਹਰੇਕ ਜੋੜੇ ਦੀ ਏਹੀ ਸੋਚ ਹੁੰਦੀ ਆ ਬੀ ਸਾਡੇ ਇੱਕ ਧੀ ਲਾਜ਼ਮੀ ਹੋਵੇ।
ਨਾਏ ਹੋਰ ਦੇਖ, ਕਦੇ ਕਿਸੇ ਕੋਲ ਕੁੜੀ ਜੰਮੇ ਤਾੰ ਬੰਦੇ ਕਦੇ ਮਾੜਾ ਨਈੰ ਕਹਿੰਦੇ ਸਗਮਾੰ ਬੁੜ੍ਹੀਆੰ ਕਰੀ ਜਾੰਦੀਆੰ ਹੁੰਦੀਆੰ," ਲੈ ਕੁੜੇ ਵੱਡਾ ਪਰੇਸ਼ਨ ਹੋਗਿਆ ਕੁੜੀ ਦਾ, ਚਲ ਮਹਾਰਾਜ ਚੰਗੀ ਚੀਜ਼ ਈ ਦੇ ਦੇਦਾੰ"। ਚੰਗੀ ਚੀਜ਼ ਪਤਾ ਨਹੀੰ ਕੀ ਰੌਕ ਜੰਮਣ ਨੂੰ ਫਿਰਦੀਆੰ।
ਗੱਲ ਮੁੱਕੀ ਰਾੰਦ ਗਈ, ਗੱਲ ਦਾ ਕਨਕਲੂਜ਼ਨ ਏਹੀ ਆ ਕਿ ਕੁੜੀਆੰ ਵਿਚਾਰੀਆੰ ਨਹੀੰ, ਏਹਨਾੰ ਨੂੰ ਤੇਰੀ ਮੇਰੀ ਹਮਦਰਦੀ ਦੀ ਲੋੜ ਨਹੀੰ। ਦੇਅ
ਆਰ ਸੈਲਫ ਰਸਪੈਕਟੈੱਡ। ਬਾਕੀ 'ਸੋ ਕਿਓ ਮੰਦਾ ਆਖੀਐ ਜਿਤੁ ਜੰਮਹਿ ਰਾਜਾਨੁ' ।ਗੁਰੂ ਸਾਬ੍ਹ ਨੇ ਇੱਕੋ ਵਾਕ 'ਚ ਬਹੁਤ ਤਕੜੀ ਗੱਲ ਆਖਤੀ ਸੀ.....ਘੁੱਦਾ
No comments:
Post a Comment