ਪੱਗ ਪਟਿਆਲਾ ਰੁਲਕੇ ਬਣੀ ਵਰੋਲਾਸ਼ਾਹੀ ਨੀੰ
ਲਿਖਣੋੰ ਹਟ ਗਿਆ ਘੁੱਦਾ ਮੁੱਕੀ ਵਈ ਸ਼ਿਆਹੀ ਨੀੰ
ਸੁਲਝਾਉੰਦੇ ਫਿਰਦੇ ਮਸਲੇ ਹਜੇ ਕਬੀਲਦਾਰੀਆੰ ਦੇ
ਖੂਹਾੰ ਤੋੰ ਵੱਧ ਡੂੰਘੇ ਲੱਗੇ ਢਿੱਡ ਪਟਵਾਰੀਆੰ ਦੇ
ਫਰਦ ਬਦਲ, ਇੰਤਕਾਲ, ਰਪਟਾੰ, ਤਕਸੀਮਾੰ ਨੀੰ
ਵਸੀਕਾ ਨਵੀਸਾੰ ਕੋਲੇ ਹੁੰਦੀਆੰ ਕੁੱਲ ਸਕੀਮਾੰ ਨੀੰ
ਮੁੱਛਾੰ ਥਾੰਣੀ ਹੱਸਦਾ ਮੁੱਛਾੰ ਸ਼ੇਵ ਵਕੀਲ ਦੀਆੰ
ਹੱਥ ਕਾਲੇ ਕੋਟ 'ਚੋੰ ਕੱਢਕੇ ਗੱਲਾੰ ਕਰੇ ਅਪੀਲ ਦੀਆੰ
ਕਰੇ ਤਿਆਰ ਰਪੋਟਾੰ ਨਾਏ ਭੇਜੇ ਸੰਮਣ ਨੀੰ
ਘਾਟ ਬਾਪੂ ਦੀ ਰੜਕੇ ਦਿਨ ਔਖੇ ਲੰਘਣ ਨੀੰ
ਉਪਰੋਕਤ ਗੱਲਾੰ ਕੁੱਲ ਜਿਹੜੀਆੰ ਹੁਣੇ ਕੀਤੀਆੰ ਨੀੰ
ਗੀਤ, ਗਜ਼ਲ ਨਾ ਸਮਝੀੰ ਏਹਤਾੰ ਹੱਡਬੀਤੀਆੰ ਨੀੰ
ਸੌ ਸੌ ਕਰਕੇ ਝਾੜਤੇ ਬਟੂਏ ਰੁਲਗੇ ਸ਼ੌੰਕ ਸ਼ੌਕੀਨਾੰ ਦੇ
ਜੱਟਾੰ ਦੇ ਘਰੀੰ ਮੁੱਕਦੇ ਨਾ ਕਦੇ ਕੇਸ ਜ਼ਮੀਨਾੰ ਦੇ
No comments:
Post a Comment