ਆਈਫੋਨ

ਕੇਰਾੰ ਏਮੇੰ ਜਿਮੇੰ ਹਾਡੀ ਮਹਿੰ ਸੂਈ । ਟੱਬਰ ਨੇ ਐਲਾਨ ਕਰਤਾ ਕਹਿੰਦੇ ਸਾੰਭਲਾ ,ਕੱਟਾ ਤੇਰਾ ਈ ਆ। ਮਖਾ ਚੰਗਾ। ਹਾੰਅਅ ਕੀ ਮਹਿੰ ਨਾਲੋੰ ਦੁੱਗਣਾ ਦਾਣਾ ਕੱਟੇ ਨੂੰ ਚਾਰਿਆ ਕਰਾੰ। ਦਿਨਾੰ 'ਚ ਕੱਟਾ ਗੱਭਰੂ ਹੋ ਗਿਆ ਤੇ ਫੇਰ ਓਸ ਕੱਟੇ ਨੂੰ ਵੇਚਕੇ ਜ਼ਿੰਦਗੀ ਦਾ ਪਹਿਲਾ ਫੋਨ ਖ੍ਰੀਦਿਆ, ਨੋਕੀਆ ਸੋਲ੍ਹਾੰ ਸੌ। ਫੇਰ ਓਦੂੰ ਬਾਅਦ ਚੈਨਾ ਮੇਡ ਚੱਲਪੇ। ਫੇਰ ਸਾਢੇ ਸਤਾਰਾੰ ਸੌ ਦਾ 'ਜੀ ਫਾਈਵ' ਲਿਆੰਦਾ। 

ਫੇਰ ਮੁਲਖ ਚੈਨਾ ਮੇਡ ਦੀ ਸ਼ਰਮ ਜੀ ਮੰਨਣ ਲਾਪਿਆ ਬੀ ਜਾਅਲੀ ਆ । ਫੇਰ ਬਿਆਲੀ ਸੌ ਦਾ 'ਨੋਕੀਆ ਆਸ਼ਾ' ਲਿਆੰਦਾ। ਚੌੜਾ ਹੋਕੇ ਤੁਰਿਆ ਕਰਾੰ ਬੀ ਮਹਿੰਗਾ ਫੋਨ ਆ ਗੀਝੇ 'ਚ। ਪਿੱਛੋੰ ਟਾਪਾ ਲਾਹਕੇ ਫੋਟੋ ਖਿੱਚਿਆ ਕਰਾੰ ਓਹਦੇ ਨਾਲ। ਆਹ ਕਵਰ ਫੋਟੋ ਓਸੇ ਨਾ ਖਿੱਚੀ ਸੀ। ਉਹਦੀ ਫੇਰੇਦੇਣੇ ਦੀ ਬੈਟਰੀ ਫੁੱਲ ਜਿਆ ਕਰੇ। ਹਾਰਕੇ ਉੱਤੋੰ ਦੀ ਰਬੜ ਚੜ੍ਹਾਕੇ ਰੱਖਿਆ।

ਫੇਰ ਜੁੱਗ ਬਦਲਦਾ। ਫੇਰ ਵੱਟਸਅੱਪ ਚੱਲ ਪਿਆ। ਹਰਿੱਕ ਹਰਾਨੀ ਨਾਲ ਪੁੱਛਿਆ ਕਰੇ ,"ਵੱਟਸਅੱਪ ਹੈਨੀ ਤੇਰੇ ਕੋ"? ਮਖਾ ਕੋਈ ਨਾ।

ਖਾਧੇ ਸਿਓ ਆਲੇ ਫੋਨ ਦੇਖਕੇ ਢਿੱਡ ਦੀ ਗਰਾਰੀ ਪਾਲੀ ਬੀ ਆਈਫੋਨ ਈ ਲਿਆਉਣਾ ।ਸੌ ਸੱਜਾ ਖੱਬਾ ਕਰਕੇ ਜਨਵਰੀ 'ਚ ਕਿਹੇ ਤੇਰੇ ਅਰਗੇ ਤੋੰ ਆਈਫੋਨ ਖ੍ਰੀਦ ਲਿਆ ਇੱਕੀ ਹਜ਼ਾਰ ਦਾ। 

ਪੁੱਤਾੰ ਅੰਗੂ ਸਾੰਭਿਆ । ਆਈਫੋਨ ਜੇਬ 'ਚ ਪਾਕੇ ਉੱਤੋੰ ਜਿੱਪ ਡਾ ਕੇ ਰੱਖਣੀ ਬੀ ਕਿਤੇ ਡਿੱਗਕੇ ਜਾਹ ਜਾੰਦੀ ਨਾ ਹੋਜੇ। ਓਹੀ ਗੱਲ , ਲੰਘੀ ਵੀਹ ਤਰੀਕ ਨੂੰ ਖੌਣੀ ਕਿਸੇ ਦੇ ਕੀ ਕੇੜਾ ਉੱਠਿਆ ਤੇ ਮੇਰਾ ਆਈਫੋਨ ਚੋਰੀ ਕਰ ਲਿਆ। ਹਜੇ ਤੀਕ ਨੀੰ ਥਿਆਇਆ।ਦੁੱਖ ਬਥੇਰਾ ਹੋਇਆ,  ਮਸਾੰ ਖ੍ਰੀਦਿਆ ਸੀ।

ਪਰਸਨਲ ਡਾਟਾ , ਨਵੀਆੰ ਲਿਖਤਾੰ ਤੇ ਹੋਰ ਸਾਰਾ ਲੱਲਾ ਭੱਬਾ ਮਿੱਟੀ ਹੋ ਗਿਆ। ਪੁਲਿਸ ਰਿਪੋਟ ਕਰੀ ਬੀ ਆ ਖੌਣੀ ਕਿਤੇ ਟਰੇਸ ਹੋਜੇ...ਹੈਸੇ ਕਰਕੇ ਨੈੱਟ ਚਲਾਉਣ ਦਾ ਕੋਈ ਸਾਧਨ ਹੈਨੀ...ਛੇਤੀ ਦਬਾਰੇ ਟੱਕਰਾੰਗੇ......ਘੁੱਦਾ