ਭਗਵੰਤ ਮਾਨ ਉਰਫ ਜੁਗਨੂੰ

1997- 98 ਦੀਆਂ ਗੱਲਾਂ ਨੇ। ਕੈਹਰੇ ਜੇ ਜੁੱਸੇ ਤੇ ਗਿੱਚੀ ਤੱਕ ਲੰਮੇ ਵਾਲਾਂ ਆਲਾ ਮੁੰਡਾ ਜਲੰਧਰ ਦੂਰਦਰਸ਼ਨ ਤੇ ਗੀਤ ਗਾਉਂਦਾ ਹੁੰਦਾ ਸੀ, "ਹਰ ਕੁੜੀ ਨੂੰ ਮਸ਼ੂਕ ਕਹਿਣ ਵਾਲੇਓ , ਥੋੜ੍ਹੀ ਬਹੁਤ ਸ਼ਰਮ ਕਰੋ"।
ਫੇਰ ਏਹੀ ਮੁੰਡਾ ਭਗਵੰਤ ਮਾਨ ਦੇ ਨੌਂ ਨਾਲ "ਕੁਲਫੀ ਗਰਮਾ ਗਰਮ" ਅਰਗੇ ਡਾਇਲੌਗਾਂ ਨਾ ਮਸ਼ਹੂਰ ਹੋਇਆ।
ਬੀਬੀ ਭੂਆ, ਝੰਡਾ ਅਮਲੀ ਜੇਹੇ ਪੇਡੂੰ ਪਾਤਰਾਂ ਦੀ ਸਿਰਜਣਾ ਕਰਕੇ ਉਹਨ੍ਹਾਂ ਰਾਹੀਂ ਠੇਠ ਮਲਵਈ ਭਾਸ਼ਾ ਬੋਲਦਾ ਰਿਹਾ।
ਕੈਸ਼ਟਾਂ ਆਲੇ ਨੂੰ ਬੀਹ ਰੁਪਈਏ ਦੇਕੇ ਭਗਵੰਤ ਮਾਨ ਦੀਆਂ ਰੀਲਾਂ ਭਰਾਉਂਦੇ ਹੁੰਦੇ ਸੀ। ਪਿੰਡ ਸਤੌਜ ਦੇ ਗੱਭਰੂ ਦੀ ਕਾਮੇਡੀ ਪੰਜਾਬੀਆਂ ਦੇ ਬੱਖਲ ਕੱਠੇ ਕਰਦੀ ਰਹੀ। ਬੀਨੂੰ ਢਿੱਲੋਂ, ਜੱਗੀ ਤੇ ਅਨਮੋਲ ਅਰਗੇ ਨਮੇਂ ਕਾਮੇਡੀ ਮੁੰਡੇ ਭਗਵੰਤ ਮਾਨ ਦੀ ਈ ਪੈਦਾਇਸ਼ ਨੇ। ਪਰੈਮਰੀ ਸਕੂਲਾਂ ਦੇ ਸੀਨ ਤੇ ਹੋਰ ਹਾਸੇ ਆਲੀਆਂ ਵੀਡੀਓ ਕਲਿੱਪਾਂ ਹਰਿੱਕ ਦੇ ਫੂਨਾਂ 'ਚ ਆਮ ਹੁੰਦੀਆਂ ਨੇ। ਭਗਵੰਤ ਮਾਨ ਮੁੱਢੋਂ ਈ ਲੋਕਾਂ ਦਾ ਕਲਾਕਾਰ ਬਣਿਆ ਰਿਹਾ, ਤਾਹੀਂ ਬੇਬੇ ਅਰਗੀਆਂ ਟੀਵੀ ਤੇ ਪੜੱਕ ਦਿਨੇ ਭਗੰਤ ਮਾਨ ਨੂੰ ਸਿਆਹਣ ਲੈਂਦੀਆਂ।
ਛਣਕਾਟੇ ਆਲੇ ਪਰੋਫੈਸਰਾਂ ਅੰਗੂ ਦੋ ਅਰਥੀ ਕਾਮੇਡੀ ਕਰਕੇ ਭਗਵੰਤ ਮਾਨ ਨੇ ਪੈਸੇ ਨਈਂ ਕਮਾਏ। ਫਿਲਮਾਂ 'ਚ ਇੱਜ਼ਤਦਾਰ ਜਾ ਕੰਮ ਕੀਤਾ ਸਾਰੇ ਕਿਤੇ। ਕੋਈ ਉਮੀਦਵਾਰ ਜਿਤਣ ਮਗਰੋਂ ਬਸ਼ੱਕ ਬਦਲਜੇ ਪਰ ਆਪਣਾ ਚਿੱਤ ਆਖਦਾ ਭਗਵੰਤ ਮਾਨ ਲੋਕਾਂ ਈ ਬਣਕੇ ਰਹੂਗਾ।
ਤੀਹ ਨੂੰ ਵੋਟਾਂ ਪੈਣੀਆਂ ਤੇ ਸੋਲ੍ਹਾਂ ਨੂੰ ਕੱਟੀ ਕੱਟਾ ਨਿਕਲ ਜਾਣਾ। ਬਾਹਲੇ ਜਾਬਾਂ ਦੇ ਭੇੜ 'ਚ ਪੈਣ ਦੀ ਲੋੜ ਨਈਂ। ਫੇਸਬੁੱਕ ਤੇ ਜਿੰਨੇ ਵੀ ਗੱਭਰੂ ਸੰਗਰੂਰ ਹਲਕੇ ਦੇ ਸਾਡੇ ਨਾਲ ਜੁੜੇ ਬਏ ਨੇ ਇੱਕੋ ਮਿੰਨਤਬਾੜੀ ਆ, "ਬਸ ਪਰਧਾਨ ਸਿਰਾ ਈ ਕਰਾਦੋ ਐਰਕੀਂ"। ਜੁਗਨੂੰ ਜਿੱਤਣਾ ਚਾਹੀਦਾ....ਬਾਕੀ ਸਰਬੰਸਦਾਨੀ ਆਪਣੇ ਨਾਲ ਆ....ਲਾ ਦੋ ਮੋਂਦੇ......ਘੁੱਦਾ