ਤੁਕ ਬੰਦੀ - ਛੰਦ

ਕਣਕ ਵਸਾਕੇ, ਢੋਲੀਂ ਪਾਕੇ
ਤੂੜੀ ਬਣਾਕੇ , ਕੰਮ ਜੇ ਮੁੱਕਗੇ
ਫੇਰ ਬਿਰਿਆ ਕੇ, ਵੋਟਾਂ ਪਵਾਕੇ
ਲੋਕ ਲੜਾ ਕੇ, ਲੀਡਰ ਲੁੱਕਗੇ
ਕਣਕਾਂ ਪੱਕੀਆਂ, ਬੋਰੀਆਂ ਚੱਕੀਆਂ
ਗੱਡੀਆਂ ਹੱਕੀਆਂ ਤੇ ਬਾਬੇ ਆਗੇ
ਵੇਚ ਉਗਰਾਹੀ, ਮੱਛੀ ਧਰਾਈ
ਬੋਤਲ ਮੰਗਾਈ ਤੇ ਪੀਕੇ ਬਾਗੇ
ਉੱਡਗੀ ਫੱਕੀ, ਸੀ ਜੰਤਾ ਅੱਕੀ
ਬਹੁਕਰ ਚੱਕੀ ,ਵੱਡੀਆਂ ਆਸਾਂਂ
ਦੇਣੇ ਠਾਰ, ਪੰਥਕ ਸਰਕਾਰ
ਚੜ੍ਹੇ ਹੰਕਾਰ, ਫੁੱਲੀਆਂ ਨਾਸਾਂ
ਕਾਲੇ ਦੌਰ, ਸਿੰਘ ਤੇ ਕੌਰ
ਮਾਰਤੇ ਭੌਰ, ਫੇਕ ਰਪੋਟਾਂ
ਤਖਤ ਨੂੰ ਢਾਹ, ਵਿਕੇ ਗਵਾਹ
ਕੀਹਦਾ ਵਸਾਹ, ਸਿਆਸੀ ਸਪੋਟਾਂ
ਠੋਕਰਾਂ ਖਾਕੇ, ਸਮਾਂ ਲੰਘਾਕੇ
ਪਿੱਛੋਂ ਪਛਤਾਕੇ, ਅਕਲ ਜੀ ਆਗੀ
ਨਸ਼ੇੜੀ ਪੁੱਤ, ਮਾਸ ਦੇ ਬੁੱਤ
ਚੰਦਰੀ ਰੁੱਤ , ਜਵਾਨੀ ਖਾਗੀ.....ਘੁੱਦਾ