ਖੌਣੀ ਕਦੇ ਵੀ ਨਈੰ

ਸੱਥਾੰ 'ਚ, ਬੱਸਾੰ 'ਚ, ਅਖਬਾਰਾੰ, ਰੈਲੀਆੰ, ਕਾਲਜਾੰ, ਸੈਮੀਨਾਰਾੰ 'ਚ ਸਾਰੇ ਕਿਤੇ ਏਹੀ ਮੁੱਦਾ ਛਿੜਦਾ ਬੀ ਭਾਰਤ 'ਚ ਭ੍ਰਿਸ਼ਟਾਚਾਰੀ ਆ ਨਾਲੇ ਰਿਸ਼ਵਤਖੋਰੀ ਆ । ਫੇਸਬੁੱਕ ਤੇ ਤਾੰ ਹਰਿੱਕ ਗੱਲ ਈ ਏਹਨ੍ਹਾੰ ਮੁੱਦਿਆੰ ਤੇ ਕਰਦਾ। 

ਅਸਲ ਭ੍ਰਿਸ਼ਟਾਚਾਰੀ ਤੇ ਰਿਸ਼ਵਤਖੋਰੀ ਸਾਥੋੰ ਸ਼ੁਰੂ ਹੁੰਦੀ ਆ। ਕੋਈ ਦੁੱਧ ਧੋਤਾ ਨਹੀੰ।

ਮੋਟੀ ਜੀ ਅਗਜਾੰਪਲ ਚੱਕਲਾ।

ਲੋਕਾੰ ਦਾ ਨਰਮਾ ਮਰ ਗਿਆ। ਸਰਕਾਰ ਨੇ ਮਾਵਜ਼ਾ ਦਿੱਤਾ। ਜਿਹੜੇ ਲੋਕਾੰ ਨੇ ਝੋਨਾ ਬੀਜਿਆ ਸੀ ਓਹਨ੍ਹਾੰ ਨੇ ਵੀ ਪਟਵਾਰੀਆੰ ਨਾਲ ਰਲਕੇ ਨਰਮੇ ਦੇ ਚੈੱਕ ਲੈਕੇ ਖਾਲੇ। ਜਿਨ੍ਹਾੰ ਨੇ ਸੱਚਿਓੰ ਨਰਮਾ ਬੀਜਿਆ ਸੀ, ਓਹ ਫਿਰਦੇ ਆ ਜ਼ਬਕਦੇ।

 ਹੱਕ ਆਲੇ ਰਹਿਗੇ ਅਣਹੱਕੇ ਪੈਸੇ ਲੈਗੇ।

ਹੋਰ ਦੇਖ। ਸੇੰਟ ਜ਼ੌਸ਼ਫ, ਜੇਵੀਅਰ ਸਕੂਲਾੰ 'ਚ ਦਾਖਲੇ ਖਾਤਰ ਜਵਾਕਾੰ ਦੇ ਮਾਪੇ ਚਾਰ ਚਾਰ ਲੱਖ ਡੋਨੇਸ਼ਨ ਦਿੰਦੇ ਨੇ ਨਾਏ ਸਪਾਰਸ਼। ਜਿਹੜੇ ਜਵਾਕ ਦੀ ਨਿਓੰ ਈ ਰਿਸ਼ਵਤ ਤੇ ਟਿਕੀ ਆ ਓਹ ਕਿੱਥੋੰ ਕੱਲ੍ਹ ਨੂੰ ਸਰਾਭਾ ਬਣਜੂ।

ਭਰਤੀਆੰ ਨਿੱਕਲੀਆੰ ਸੀ ਪਟਵਾਰੀ ਦੀਆੰ। ਜਿਹੜੇ ਮੇਰੇ ਤੇਰੇ ਅਰਗੇ ਤੋੰ ਸੈਕਲ ਦੀ ਚੈਨ ਨੀੰ ਕਸਾਈ ਜਾੰਦੀ ਓਹਵੀ ਆਖੂ," ਸਰਪੈੰਚਾ ਆਪਣਾ ਮੁੰਡਾ ਚੰਡੀਗੜ੍ਹ ਪਟਬਾਰੀ ਦਾ ਪੇਪਰ ਦੇਣ ਗਿਆ। ਕੋਈ ਬੰਦਾ ਹੈਗਾ ਤਾੰ ਕਰ ਕੋਸ਼ਟ, ਕਰਦਾੰਗੇ ਵੱਟ ਸਿੱਧੀ, ਦੇਦਾੰਗੇ ਪੰਦਰਾੰ ਬੀਹ ਲੱਖ।"

ਜਿਹੜਾ ਬੰਦਾ ਕਿਸੇ ਵੀ ਮਹਿਕਮੇ 'ਚ ਰਿਸ਼ਵਤ ਦੇਕੇ ਲੱਗਦਾ, ਓਹ ਕੀਹਨੂੰ ਬਖ਼ਸ਼ੂਗਾ ਦੱਸ?

ਰਿਸ਼ਵਤਖੋਰੀ ਤੇ ਭ੍ਰਿਸ਼ਟਾਚਾਰੀਆੰ ਅਰਗੀਆੰ ਕਮੀਨਗੀਆੰ ਭਾਰਤੀ ਸਿਸਟਮ ਦੇ ਖੂਨ 'ਚ ਨੇ। ਆਪਾੰ ਏਸੇ ਖੱਸੀ ਸਿਸਟਮ ਦੀ ਪੈਦਾਇਸ਼ ਆੰ॥ ਪਲਾਸੀ, ਬਕਸਰ, ਅੰਗਰੇਜ਼- ਮਰਾਠੇ, ਅੰਗਰੇਜ਼- ਸਿੱਖ , 1857 ਵਿਦਰੋਹ ਕਿਤੋੰ ਕੁਝ ਮਰਜ਼ੀ ਚੱਕਲਾ । ਏਹੀ ਕੁਝ ਚੱਲਦਾ । ਬਥੇਰਾ ਟੈਮ ਲੱਗੂ ....ਫੇਰ ਸੁਧਰਾੰਗੇ......ਖੌਣੀ ਕਦੇ ਵੀ ਨਈੰ.....ਘੁੱਦਾ